Yuda 1:12 - BAIBLO ALOO NGMAMI KLƆUKLƆU Ɔ

¹² Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Somi He Ɔ

¹² Ni nɛ ɔmɛ ji nihi nɛ woɔ nyɛ suɔmi niye ni ɔ he mu, ejakaa a kɛ nyɛ yeɔ ni nɛ zo pee we mɛ; a lɛɛ mɛ nitsɛmɛ a he. A ngɛ kaa bɔku nɛ nyu be mi nɛ kɔɔhiɔ kpakaa kɛ bɔleɔ si, tsohi nɛ a yi ba amɛ wɔle nɛ a wui yiblii; a gbo si enyɔ nɛ a hia mɛ kɛ a sipokuhi.

Yuda 1:12 ပူးပေါင်းရင်းမြစ်များ

Kronika II, 7:20

lɛɛ ma je ye ma, Israel kɛ maa je zugba a nɛ i ha mɛ ɔ nɔ. We nɛ ɔ nɛ i pee lɛ klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa ye e he fɛu, nɛ a maa hie lɛ.

Hiob 8:17

A sipoku ɔmɛ ngɔɔ a he ya blaa tɛ sahi, nɛ a mɛtɛɛ tɛ sa amɛ a he.

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 37:2

E be kɛe nɛ a maa laa kaa nga gbigbli; a ma gbo tlukaa kaa ba nɛ ngla.

Abɛ Womi 25:14

Nɔ nɛ fĩaa ke e maa ke nɔ nɔ́, se e yi nɔ gblee ɔ, e ngɛ kaa bɔku kɛ kɔɔhiɔ nɛ nyu be mi.

Ezekiel 17:9

“Lɔ ɔ he ɔ, imi Nyɔmtsɛ Yawɛ i ngɛ bie ke tso nɛ ɔ yi ma na wami lo? Anɛ kekle kɔle ɔ be tso ɔ gblae nɛ e hia e sipoku tsuo kɛ fɔ he, nɛ e ku e kɔni ɔmɛ, konɛ a gbli lo? E yi mi ba amɛ tsuo ma gbli. Pi he wami tsɔ ko, loo nihi babauu nɛ a ma na loko a maa hia tso nɛ ɔ.

Ezekiel 34:10

Imi Nyɔmtsɛ Yawɛ, i ke i kɛ nyɛ ná. Ma kpɔ ye to ɔmɛ ngɛ nyɛ dɛ. I be hae nɛ nyɛɛ lɛ nyɛ nitsɛmɛ nyɛ he hu. Ma kpɔ ye to ɔmɛ kɛ je nyɛ dɛ; kɛkɛ ɔ, nyɛ be mɛ nae maa ye hu.

Ezekiel 34:18

Nyɛ naa niye ní kpakpa nyɛ yeɔ. Anɛ lɔ ɔ pi ha nyɛ lo? Lɛɛ mɛni he je niye ní nɛ piɛ ngɛ nyɛ ní yemi he ɔ, nyɛ kpale ya naa nɔ nyamanyama a? Jehanɛ hu, nyɛ naa nyu nɛ mi tsɔ nɛ nyɛ nuɔ. Anɛ lɔ ɔ nɛ pi ha nyɛ he je nɛ nyɛ ngɔɔ nyɛ nane kɛ gbidiɔ nyu nɛ piɛ ɔ?

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Ezekiel 34:8

Imi Nyɔmtsɛ Yawɛ, i ngɛ ye he kita kae, lɔ ɔ he ɔ, nyɛ ta tue. Nga mi lohwe awi yeli nuu ye to ɔmɛ, a gbe mɛ nɛ a ye nyamanyama, ejakaa to hyɛlɔ ko be; ye to hyɛli ɔmɛ dí to ɔmɛ a se. To hyɛli ɔmɛ ngɛ mɛ nitsɛmɛ a he lɛe; a hyɛ we to ɔmɛ a nɔ.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Mose III, 14:43

Se ke a tsake tɛ ɔmɛ, nɛ a ngmla gli ɔ he, nɛ a kpale kã gli ɔmɛ a he, nɛ lɔ ɔ se a na kaa lejɛ ɔ fu ja ekohu ɔ,

Mateo 13:6

Se benɛ pu je ɔ, pu ɔ sãã mɛ, nɛ akɛnɛ a be sipoku he je ɔ, a ngla.

Mateo 15:13

Yesu he nɔ ke, “Tso tsuaa tso nɛ pi Tsaatsɛ nɛ ngɛ hiɔwe ɔ nɛ ma a, a maa hia.

Marko 4:6

Se benɛ pu je ɔ, e sã mɛ nɛ a ngla, ejakaa a be sipoku nɛ ya zu mi bɔ nɛ sa.

Luka 12:45

Se ke jamɛ a tsɔlɔ ɔ ma de ngɛ e yi mi ke e nyɔmtsɛ ɔ se ma ya fia si bɔɔ, nɛ e be bae mla a, lɛɛ e ma bɔni tsɔli kpa amɛ, kɛ mawayi ɔmɛ kongomi. E maa ye ní, nɛ e maa nu ní, nɛ e maa tɔ dã kpɔtɔɔ.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Luka 8:6

Ekomɛ ya pue tɛ zugba mi, nɛ benɛ a puɛ ɔ, a ngla amlɔ ɔ nɔuu, ejakaa a nɛ zugba jɔjɔɛ.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Yakobo 5:5

Nyɛ na ní kpɔtɔɔ, nɛ nyɛ bua jɔ nyɛ he saminya ngɛ je ɔ mi. Ní kpakpahi nɛ nyɛ ye ɔ ha nyɛ wo zɔ saminya kɛ ha ligbi nɛ a ma kpata nyɛ hɛ mi ɔ.