Yuda 1:11 - BAIBLO ALOO NGMAMI KLƆUKLƆU Ɔ

¹¹ Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Somi He Ɔ

¹¹ Musu tloo mɛ! a ngɔ Kain blɔ ɔ, nɛ a kɛ a he ya wo Bileam sisimi he hiɔwo ɔ mi, nɛ Kora atua tsɔmi ɔ mi a hɛ mi kpata ngɛ.

Yuda 1:11 ပူးပေါင်းရင်းမြစ်များ

Matsɛmɛ II, 16:16

Osɔfo Uria pee kaa bɔ nɛ Matsɛ Ahaz fa lɛ ke e pee ɔ pɛpɛɛpɛ.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 3:9

A ní peepee yeɔ odase kɛ siɔ mɛ; ejakaa a jeɔ a hɛ mi paa kɛ peeɔ yayami kaa Sodom bi; a kɛ laa we. Musu tloo mɛ! Mɛ nitsɛmɛ nɛ a ye a he awi ɔ nɛ.

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Ezekiel 13:3

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo gbali kuasiahi nɛ peeɔ mɛ nitsɛmɛ a suɔmi nya ní, nɛ nɔ́ nɛ a nɛ́ hu a gbaa.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Zakaria 11:17

Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Mose IV, 31:16

Nyɛ kai kaa yi nɛ ɔmɛ nɔuu lɛ a ya bu Balaam ga womi tue, nɛ a puɛ Israel bi ɔmɛ a juɛmi, nɛ a kɛ pee yayami kɛ si Yawɛ ngɛ Peor jamɛ a ligbi ɔ nɛ. Enɛ ɔ he je nɛ gbenɔ hiɔ ba Yawɛ ma a nɔ ɔ nɛ.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.