Yuda 1:1 - BAIBLO ALOO NGMAMI KLƆUKLƆU Ɔ

¹ Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Somi He Ɔ

¹ Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Yuda 1:1 ပူးပေါင်းရင်းမြစ်များ

Mateo 10:3

Filipo kɛ Bartolomeo, Toma, kɛ Mateo tó tsulɔ ɔ Alfeo bi Yakobo, kɛ Tadeo,

Mateo 13:55

Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Marko 3:18

Andrea, Filipo, Bartolomeo, Mateo, Toma, Alfeo bi Yakobo, Tadeo, Simon ma he doolɔ ɔ,

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 6:16

Yuda, Yakobo nyɛmi ɔ, kɛ Yuda Iskariot, nɔ nɛ ba tsɔɔ Yesu se blɔ ɔ.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 14:22

Yuda (pi Yuda Iskariot) bi lɛ ke, “Nyɔmtsɛ, kɛ pee kɛɛ nɛ wɔ pɛ nɛ o ma ha nɛ waa le mo, se pi je ɔ tsuo ɔ?”

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 17:15

I kpa we pɛɛ ke o je mɛ kɛ je je ɔ mi; se mohu i ngɛ pɛɛ kpae nɛ o bu a he kɛ je nɔ yayami ɔ dɛ mi.

Yohane 17:17

Ngɔɔ o we anɔkuale munyu ɔ kɛ tsu a he.

Yohane 17:19

A he ɔ, i peeɔ ye he klɔuklɔu, bɔ nɛ pee nɛ mɛ hu a pee mɛ klɔuklɔu ngɛ anɔkuale mi.

Yohane 6:39

Nɔ nɛ tsɔ mi ɔ, nɔ́ nɛ e suɔ ji kaa nihi tsuo nɛ e tu ngɔ wo ye dɛ mi ɔ, ngmelu kake kó je mi; se mohu nyagbe ligbi ɔ, ma tle mɛ tsuo si.

Ni Tsumi 1:13

A ba sɛ ma a mi, nɛ a kuɔ kɛ ho hiɔwe tsu mi he nɛ a ba to ɔ. Mɛ ji Petro, Yohane, Yakobo, Andrea, Filipo, Toma, Bartolomeo, Mateo, Alfeo bi Yakobo, Simon ma he doolɔ ɔ, kɛ Yuda, Yakobo bi ɔ.

Ni Tsumi 20:32

“Nyagbe ɔ, i ngɛ nyɛ tue kɛ ngɛ Mawu kɛ e dloomi munyu ɔ dɛ mi woe. Munyu ɔ maa wo nyɛ he wami, nɛ nyɛ maa da si kpikpitii; nɛ gbaami nɛ Mawu to kɛ ha e we bi ɔ, nyɛ hu nyɛ nine maa su nɔ.

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Romabi 1:6

Nyɛ nihi nɛ nyɛ ngɛ Roma, nɛ Mawu tsɛ nyɛ nɛ nyɛ ba pee Kristo we bi ɔ, nyɛ hu nyɛ piɛ he.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

Romabi 9:24

Wɔ hu ja e tsɛ wɔ, konɛ waa na kaa pi Yuda bi kɛkɛ nɛ e tsɛ, se e tsɛ ma je li ɔmɛ hulɔ.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Yuda 1:21

Be mi nɛ nyɛ ngɛ wa Nyɔmtsɛ Yesu Kristo blɔ hyɛe nɛ e ba na nyɛ mɔbɔ, nɛ e ha nyɛ neneene wami ɔ, nyɛɛ hyɛ nyɛ he nɔ saminya. Kɛkɛ ɔ, suɔmi nɛ Mawu ngɛ kɛ ha nyɛ ɔ maa hi si daa.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.