Yoshua 9:4 - BAIBLO ALOO NGMAMI KLƆUKLƆU Ɔ

⁴ a to ga kaa a maa sisi Yoshua. A ya hla niye ní, nɛ a muɔ kotoku momohi, kɛ lohwe he womi tɔ momohi nɛ gba nɛ a kpɛ, nɛ a to ngɔ pue a teji ɔmɛ a nɔ.

Yoshua 9:4 ပူးပေါင်းရင်းမြစ်များ

Mose I, 34:13

Se akɛnɛ Shekem ble Dina, Yakob binyumu ɔmɛ a nyɛmiyo ɔ he je ɔ, mɛ hu a sisi Shekem kɛ e tsɛ Hamor ɔ.

La 119:83

Ejakaa ye he be se nami hu kaa wai tɔ nɛ a je se; se kɛ̃ ɔ, ye hɛ ji o mlaa amɛ a nɔ.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Mateo 9:17

Jã kɛ̃, nɔ ko ngɔɛ wai he kɛ wui lohwe he womi tɔ momo mi. Ejakaa lohwe he womi tɔ ɔ ma pɛ, nɛ wai ɔ ma pue si, nɛ lohwe he womi tɔ ɔ ma puɛ. Wai he ɔ, lohwe he womi tɔ he mi mohu a kɛ woɔ. Kɛkɛ ɔ, nɔ́ enyɔ ɔmɛ tsuo a se kɛɔ.”

Marko 2:22

Jehanɛ hu, nɔ ko ngɔɛ wai he ngɔ wui lohwe he womi tɔ momo mi. Ke e pee ja a, lɛɛ wai he ɔ ma pɛ lohwe he womi tɔ ɔ, nɛ wai ɔ ma pue si, nɛ lohwe he womi tɔ ɔ hu ma puɛ. Wai he ɔ, lohwe he womi tɔ he mi a kɛ woɔ!”

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Yoshua 9:12

Nyɛɛ hyɛ wa niye ní ɔ ha! Benɛ waa kɛ maa hia blɔ ɔ, la ngɛ he. Se piɔ lɛɛ, e gbli nɛ e fu ja.

Yoshua 9:13

Lohwe he womi tɔ ɔmɛ nɛ wa wo a mi dã kɛ hia blɔ ɔ, ní hehi, se piɔ ɔ, nyɛɛ hyɛ, a gba. Wa tade ɔmɛ, kɛ wa tokota amɛ hu wo momo ngɛ blɔ ɔ kɛmi sɔuu he.”

Yoshua 9:3

Se benɛ Gibeon bi ɔmɛ nɛ ji Hiv bi ɔmɛ nu bɔ nɛ Yoshua pee Yeriko kɛ Ai ma amɛ ɔ,

Yoshua 9:5

A wo tade gbagbɛhi, kɛ tokota momohi nɛ́ a tsla; abolo nɛ a hɛɛ kɛ to a dɛ ɔ gbli nɛ e fu ja.