Yoshua 9:24 - BAIBLO ALOO NGMAMI KLƆUKLƆU Ɔ

²⁴ Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Yoshua 9:24 ပူးပေါင်းရင်းမြစ်များ

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yoshua 10:2

Yerusalem bi ɔmɛ ye gbeye wawɛɛ, ejakaa ma ngua ji Gibeon. Gibeon ngɛ kaa matsɛ ma; e kle pe Ai, nɛ nyumuhi nɛ ngɛ ma a mi ɔ, katsɛmɛ sɔuu.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 6:21

A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,