Yoshua 9:18 - BAIBLO ALOO NGMAMI KLƆUKLƆU Ɔ

¹⁸ Se Israel bi ɔmɛ gbi ni ɔmɛ; ejakaa Israel ma nimeli ɔmɛ ka mɛ kita ngɛ Yawɛ, Israel Mawu ɔ hɛ mi kaa a be mɛ gbee. Enɛ ɔ ha ma kpekpemi ɔ tu munyu huitihuiti kɛ si ma nimeli ɔmɛ.

Yoshua 9:18 ပူးပေါင်းရင်းမြစ်များ

Samuel II, 21:7

Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Fiɛlɔ 5:2

Ke o maa tu munyu ko ɔ, mo susu he; o he ko sɔ kɛ wo Mawu si. Mawu ɔ, hiɔwe lɛ e ngɛ; moo lɛɛ zugba nɛ ɔ nɔ o ngɛ. Lɔ ɔ he ɔ, koo tu munyu fuu.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Fiɛlɔ 9:2

Sane nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ; dalɔ jio, yayami peelɔ jio; nɔmlɔ kpakpa jio, nɔmlɔ yayami jio; nɔ nɛ he tsɔ jio, nɔ nɛ he tsɔ we jio; nɔ nɛ sãã bɔ jio, nɔ nɛ sɛ̃ bɔ jio; nɔ́ nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ. Nɔmlɔ kpakpa kɛ yayami peelɔ ɔ, slɔɔto be a kpɛti; kita kalɔ kɛ nɔ nɛ sume kaa e ma ka kita hu, jã nɔuu.

Mose IV, 30:3

“Ke yo ko wo Yawɛ si, aloo ke e ka e he kita kaa e maa nyɛ nɔ́ ko ngɛ e yihe mi be mi nɛ e ngɛ e tsɛ we ɔ,

Mose V, 23:22

Ke o wui Yawɛ si kulaa a, e pi tɔmi.

Mose V, 23:23

Se ke o je mo nitsɛ o tsui mi nɛ o wo si ɔ, ye nɔ pɛpɛɛpɛ.

Mose V, 23:24

“Ke o ya sɛ o nyɛmi wai ngmɔ mi ɔ, o ma nyɛ maa ye wai yiblii ɔ bɔ nɛ o suɔ nɛ o tɔ; se koo ngɔ eko kɛ wo o níhi a mi kɛ je.

Yoshua 9:17

Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Yoshua 9:19

Se ma nimeli ɔmɛ hu de mɛ ke, “Wa ná ka mɛ kita momo ngɛ Yawɛ, Israel Mawu ɔ hɛ mi; lɔ ɔ he ɔ, e sɛ kaa wa peeɔ mɛ yayami ko.