Yoshua 9:17 - BAIBLO ALOO NGMAMI KLƆUKLƆU Ɔ

¹⁷ Enɛ ɔ he je ɔ, Israel bi ɔmɛ hia kɛ je he nɛ a ngɛ ɔ, nɛ ligbi etɛ se ɔ, a ba su ma amɛ a mi he nɛ ni ɔmɛ je kɛ ba na mɛ ɔ. Ma amɛ ji Gibeon, Kefira, Beerot, kɛ Kiriat Yearim.

Yoshua 9:17 ပူးပေါင်းရင်းမြစ်များ

Samuel II, 4:2

Ishboshet ngɛ asafoatsɛmɛ enyɔ; nɔ kake biɛ ji Baana, nɛ nɔ kake hu biɛ ji Rekab. Beerot no Rimon nɛ je Benyamin wɛtso ɔ mi ɔ bimɛ ji mɛ. (A buu Beerot ngɔ siɔ Benyamin nɔ.

Kronika I, 2:50

Ni nɛ ɔmɛ hu Kaleb nina ji mɛ. Kaleb kɛ e yo Efrat ɔ, a bitɛte ji Hur. Hur bi Shobal ji nɔ nɛ to Kiriat Yearim ma a sisi.

Kronika I, 2:52

Shobal nɛ to Kiriat Yearim ma a sisi ɔ, e nina ji Haroe bi, kɛ Menuhot ma a fa.

Kronika I, 2:53

E nina hu ji Kiriat Yearim weku nɛ ɔmɛ: Itri, Put, Shumat, kɛ Mishrait. (Zora kɛ Eshtaol weku ɔmɛ piɛ ni nɛ ɔmɛ a he.)

Kronika I, 21:29

Yawɛ kpe he bo tsu ɔ nɛ Mose pee ngɛ nga a nɔ ɔ, kɛ bɔ sami la tɛ ɔ ngɛ jami he ɔ ngɛ Gibeon jamɛ be ɔ mi kɛ mwɔɔ.

Yeremia 26:20

Nyumu ko hu gba ngɛ Yawɛ biɛ mi kɛ si ma nɛ ɔ, kɛ zugba a kaa bɔ nɛ Yeremia gba a pɛpɛɛpɛ. E biɛ ji Uria, Shemaya nɛ je Kiriat Yearim bi ɔ.

Yoshua 10:2

Yerusalem bi ɔmɛ ye gbeye wawɛɛ, ejakaa ma ngua ji Gibeon. Gibeon ngɛ kaa matsɛ ma; e kle pe Ai, nɛ nyumuhi nɛ ngɛ ma a mi ɔ, katsɛmɛ sɔuu.

Yoshua 15:60

Ekomɛ hu ji Kiriat Baal (nɛ a tsɛɛ lɛ Kiriat Yearim ɔ), kɛ Raba. E peeɔ ma enyɔ kɛ a he kɔpehi.

Yoshua 15:9

Huzu ɔ kple si kɛ ba Neftoa pa a nya, nɛ e tsa nɔ kɛ ya na ma nɛ ngɛ Efron yo ɔ kasa nya a, nɛ e lɔgɔ kɛ ho Baala ya. (Baala biɛ kpa ji Kiriat Yearim.)

Yoshua 18:14

Kɛ je yo ɔ beleku je ɔ, huzu ɔ gba kɛ gu he kpa. E ka e yi si kɛ ya gu leneyi je hluu kɛ ya su Kiriat Baal ngɛ Yuda wɛtso ɔ nɔ́ ɔ mi. Kiriat Baal biɛ kpa ji Kiriat Yearim. Bonyoku je huzu ɔ ji nɛ ɔ nɛ.

Yoshua 18:15

Leneyi je huzu ɔ je Kiriat Yearim ma a nya, nɛ e ma e yi si kɛ ho Neftoa pa a nya ya.

Yoshua 9:16

Benɛ a kɛ mɛ so se ligbi etɛ ɔ, Israel bi ɔmɛ na le kaa ni ɔmɛ je a kasa nya haa.

Yoshua 9:18

Se Israel bi ɔmɛ gbi ni ɔmɛ; ejakaa Israel ma nimeli ɔmɛ ka mɛ kita ngɛ Yawɛ, Israel Mawu ɔ hɛ mi kaa a be mɛ gbee. Enɛ ɔ ha ma kpekpemi ɔ tu munyu huitihuiti kɛ si ma nimeli ɔmɛ.

Yoshua 9:3

Se benɛ Gibeon bi ɔmɛ nɛ ji Hiv bi ɔmɛ nu bɔ nɛ Yoshua pee Yeriko kɛ Ai ma amɛ ɔ,

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Manyadali 18:12

nɛ a ya bua a he nya ngɛ Kiriat Yearim, ngɛ Yuda. Enɛ ɔ he ɔ, kɛ ba si mwɔnɛ ɔ, biɛ nɛ a kɛ tsɛɛ lejɛ ɔ ji Mahane Dan. E ngɛ Kiriat Yearim bonyoku je.

Samuel I, 6:21

A tsɔ nihi kɛ ho Kiriat Yearim bi ɔmɛ a ngɔ ya ya de mɛ ke, “Filisti bi ɔmɛ kpale Yawɛ somi daka a kɛ ba. Lɔ ɔ he ɔ, nyɛɛ ba nɛ nyɛ ba ngɔ kɛ ho.”

Samuel I, 7:1

Kiriat Yearim bi ɔmɛ ba nɛ a ba ngɔ Yawɛ somi daka a kɛ ho nyumu ko nɛ a tsɛɛ lɛ Abinadab ɔ we mi ya, ngɛ yoku ko nɔ. A wo e binyumu Eleazar osɔfo, konɛ e hyɛ Yawɛ somi daka a nɔ.