Yoshua 9:15 - BAIBLO ALOO NGMAMI KLƆUKLƆU Ɔ

¹⁵ Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Yoshua 9:15 ပူးပေါင်းရင်းမြစ်များ

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Mose II, 23:32

O kɛ mɛ, loo a mawu ɔmɛ ko so somi ko.

Yoshua 10:1

Yerusalem matsɛ, Adonizedek nu kaa Yoshua ngɔ Ai ma a, nɛ e kpata ma a hɛ mi pɛsɛpɛsɛ. E nu kaa Yoshua gbe matsɛ ɔ, kaa bɔ nɛ e pee Yeriko ma a, kɛ matsɛ ɔ. E nu hu kaa Gibeon bi ɔmɛ, kɛ Israel bi ɔmɛ ba pee huɛmɛ, nɛ a kɛ mɛ ngɛ.

Yoshua 10:4

“Nyɛɛ ba nɛ nyɛ ba piɛ ye he, konɛ wa ya kpata Gibeon bi ɔmɛ a hɛ mi; ejakaa a kɛ Yoshua kɛ Israel bi ɔmɛ ya tsɔ huɛ.”

Yoshua 11:19

Gibeon ma mi bi ɔmɛ, nɛ ji Hiv bi ɔmɛ pɛ nɛ a kɛ Israel bi ɔmɛ ba so, nɛ a pee huɛmɛ. Se ma amɛ tsuo pɛpɛɛpɛ nɛ piɛ ɔ lɛɛ Israel bi ɔmɛ kɛ mɛ hwu ta nɛ a ye a nɔ.

Yoshua 9:16

Benɛ a kɛ mɛ so se ligbi etɛ ɔ, Israel bi ɔmɛ na le kaa ni ɔmɛ je a kasa nya haa.