Yoshua 9:14 - BAIBLO ALOO NGMAMI KLƆUKLƆU Ɔ

¹⁴ Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.

Yoshua 9:14 ပူးပေါင်းရင်းမြစ်များ

Samuel II, 2:1

Enɛ ɔ se ɔ, David bi Yawɛ ke, “Ma kpale kɛ ya Yuda ma amɛ eko mi lo?” Yawɛ he nɔ ke, “Ee, moo ya.” David bi lɛ ekohu ke, “Jije ma ya?” Nɛ Yawɛ de lɛ ke, “Yaa Hebron.”

Samuel II, 5:19

David bi Yawɛ ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ ha David heto ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Mose II, 28:30

Ngɔɔ ní ɔmɛ nɛ a kɛ leɔ ye yi mi, nɛ a tsɛɛ Urim kɛ Tumim ɔ kɛ wo gugue tade ɔ mi, nɛ Aaron nɛ hɛɛ mɛ ngɛ e gugue nya be tsuaa be nɛ e ma ye hɛ mi. Kɛkɛ ɔ, daa be tsuaa be ke Aaron ma he klɔuklɔu ɔ, níhi nɛ ma gu nɔ kɛ je ye yi mi tomi kpo kɛ tsɔɔ Israel bi ɔmɛ ɔ, e hɛɛ mɛ momo ngɛ e gugue nya.

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Yoshua 9:13

Lohwe he womi tɔ ɔmɛ nɛ wa wo a mi dã kɛ hia blɔ ɔ, ní hehi, se piɔ ɔ, nyɛɛ hyɛ, a gba. Wa tade ɔmɛ, kɛ wa tokota amɛ hu wo momo ngɛ blɔ ɔ kɛmi sɔuu he.”

Manyadali 1:1

Yoshua gbenɔ se ɔ, Israel bi ɔmɛ bi Yawɛ ke, “Wa kpɛti mɛnɔmɛ ma ya tua Kanaan bi ɔmɛ kekleekle?”

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”

Samuel I, 22:10

Ahimelek bi Yawɛ ga womi ha David. Lɔ ɔ se ɔ, e ha lɛ ní, nɛ e ngɔ Goliat, Filisti no ɔ klaate ɔ hu ngɔ ha lɛ.”