Yoshua 9:11 - BAIBLO ALOO NGMAMI KLƆUKLƆU Ɔ

¹¹ Wa ma nimeli ɔmɛ, kɛ wa zugba a nɔ bi ɔmɛ tsuo de wɔ ke wa hla niye ní kɛ to wa dɛ, nɛ waa hia blɔ kɛ ba nɛ wa ba na nyɛ. A de wɔ ke, ke wa ba a, wa ba de nyɛ ke wa ma sɔmɔ nyɛ. Lɔ ɔ he ɔ, waa kɛ nyɛ maa so.

Yoshua 9:11 ပူးပေါင်းရင်းမြစ်များ

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Yoshua 9:8

A de Yoshua ke, “Wa ma sɔmɔ mo.” E bi mɛ ke, “Mɛnɔmɛ ji nyɛ? Jije nyɛ je?”

Luka 9:3

Loko a ho ɔ, Yesu de mɛ ke, “Nɛ nyɛ yaa nɛ ɔ, nyɛ ko hɛɛ nɔ́ ko nɔ́ ko kɛ to dɛ. Nyɛ ko hɛɛ dɛma tso, aloo blɔ hialɔ kotoku, aloo niye ní, aloo sika; tade enyɔne tete po nyɛ ko hɛɛ.

Yoshua 1:11

a ya kpa ma sito he ɔ, nɛ a de ni ɔmɛ ke, “Nyɛ hla blɔ hiami niye ní kɛ to; ejakaa hiɛmɛ nɛ ɔ ligbi etɛ ɔ, nyɛ maa po Yordan pa a kɛ ya ngɔ zugba a nɛ Yawɛ, nyɛ Mawu ɔ kɛ ha nyɛ ke nyɛ nɔ́ ɔ.”

Mose I, 43:12

Jehanɛ, nyɛɛ hɛɛ sika nɛ nyɛɛ kɛ ma he ní ɔ, nɛ nyɛɛ ngɔ nɔ́ nɛ a kpale ngɔ wo kotoku ɔmɛ a mi ha nyɛ ɔ kɛ ho; eko piɔ, e be a hɛ mi.

Yoshua 9:10

kɛ bɔ nɛ e pee Amor bi ɔmɛ a matsɛmɛ enyɔ ɔmɛ nɛ a ngɛ Yordan beleku je ɔ: Heshbon matsɛ, Sihon, kɛ Bashan matsɛ, Og nɛ hi Ashtarot ɔ.

Yoshua 9:12

Nyɛɛ hyɛ wa niye ní ɔ ha! Benɛ waa kɛ maa hia blɔ ɔ, la ngɛ he. Se piɔ lɛɛ, e gbli nɛ e fu ja.

Matsɛmɛ II, 10:5

Lɔ ɔ he ɔ, matsɛ we ɔ nɔ hyɛlɔ ɔ, amlaalo ɔ nɛ ngɛ ma a mi ɔ, ma nimeli ɔmɛ, kɛ matsɛ binyumu ɔmɛ a nɔ hyɛli ɔmɛ tsɔ ya de Yehu ke, “O tsɔli ji wɔ; nɛ nɔ́ tsuaa nɔ́ nɛ o ma de wɔ ke waa pee ɔ, wa maa pee. Wɔɔ lɛɛ wa be nɔ ko nɔ ko matsɛ woe; nɔ́ nɛ sa o hɛ mi ɔ, moo pee.”