Yoshua 8:8 - BAIBLO ALOO NGMAMI KLƆUKLƆU Ɔ

⁸ Ke nyɛ ngɔ ma a, nyɛɛ mɛ he la kaa bɔ nɛ Yawɛ fa nyɛ ɔ. Nyɛɛ hyɛ nɛ nyɛɛ pee ja pɛpɛɛpɛ.”

Yoshua 8:8 ပူးပေါင်းရင်းမြစ်များ

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Mose V, 20:16

“Se ke o ngɔ ma amɛ nɛ Yawɛ, o Mawu ɔ ngɔ kɛ ngɛ mo hae ngɛ zugba a nɔ ɔ, gbee a mi nimli ɔmɛ tsuo.

Yoshua 1:16

A ha Yoshua heto ke, “Nɔ́ tsuaa nɔ́ nɛ o fa wɔ ke waa pee ɔ, wa maa pee, nɛ he tsuaa he nɛ o tsɔ wɔ ɔ, wa maa ya.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 6:24

Jehanɛ, a kɛ la sa ma a, kɛ e mi níhi tsuo; se sika hiɔ, sika tsu, akɔblee, kɛ dade níhi lɛɛ a kɛ to Yawɛ we ɔ nito he ɔ.

Yoshua 8:13

A gba ta a: ta ngua a ya je Ai omleyi je, nɛ se ta a ya je bonyoku je. Yoshua hwɔ kɔ̃ ɔ mi jamɛ a nyɔ ɔ mi.

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:22

Israel bi kpa amɛ nɛ sɛ Ai ma a mi ɔ hu ba piɛ a nyɛmimɛ ɔmɛ a he kɛ sá Ai bi ɔmɛ a yi. A gbe Ai bi ɔmɛ tsuo pɛpɛɛpɛ. A ti nɔ kake po na we blɔ nɛ e tu fo kɛ je; nɔ ko nɔ ko yi na we wami.

Yoshua 8:28

Yoshua sã Ai ma a, nɛ e ha e plɛ pee ma doku kɛ ba si mwɔnɛ ɔ.

Yoshua 8:7

Kɛkɛ ɔ, nyɛ ka woli ɔmɛ nyɛ maa je se je ɔ kɛ ba tua ma a; ejakaa Yawɛ, nyɛ Mawu ɔ maa ngɔ ma a ngɔ wo nyɛ dɛ.

Yoshua 8:9

Kɛkɛ nɛ Yoshua wo mɛ blɔ; nɛ a ya wo Ai ma a he ka. A laa a he ngɛ Betel kɛ Ai a kpɛti, ngɛ Ai bonyoku je, nɛ Yoshua kɛ Israel ma nɛ piɛ ɔ hwɔ ma sito he ɔ jamɛ a nyɔ ɔ mi.

Manyadali 4:6

Ligbi ko ɔ, e tsɔ ya tsɛ Abinoam binyumu Barak ngɛ Kedesh nɛ ngɛ Naftali ɔ kɛ ba, nɛ e de lɛ ke, “Yawɛ, Israel Mawu ɔ ngɛ mo fae ke, ‘Yaa nɛ o ya hla nyumuhi akpe nyɔngma kɛ je Naftali kɛ Zebulun wɛtso ɔmɛ a mi, nɛ o kɛ mɛ nɛ ba Tabor yo ɔ nɔ.