Yoshua 8:33 - BAIBLO ALOO NGMAMI KLƆUKLƆU Ɔ

³³ Jehanɛ Israel tsuo pɛpɛɛpɛ, ma nimeli, ma nɔ hyɛli, kojoli, nibwɔhi, kɛ ma a mi bi ɔmɛ tsuo ya da si ngɛ somi daka a kasa nya hiɛ kɛ hiɛ, ngɛ Levi bi osɔfo ɔmɛ nɛ hɛɛ Yawɛ somi daka a a hɛ mi. Nihi fa plɛ a se ngɔ wo Gerizim yo ɔ, nɛ nihi fa hu plɛ a se ngɔ wo Ebal yo ɔ. Yawɛ tsɔlɔ Mose nɛ wo mɛ mlaa kaa a pee enɛ ɔ, ke a maa gbaa Israel ma a.

Yoshua 8:33 ပူးပေါင်းရင်းမြစ်များ

Mose V, 11:29

Ke Yawɛ, nyɛ Mawu ɔ kɛ nyɛ ya su zugba nɛ nyɛ yaa ngɔ ɔ nɔ ɔ, nyɛ de gbaami munyu ɔmɛ kɛ je Gerizim yo ɔ nɔ, kɛ gbiɛmi munyu ɔmɛ hu kɛ je Ebal yo ɔ nɔ.

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.

Yoshua 3:3

nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

Mose V, 31:25

Benɛ e gbe nya a, e de Levi bi ɔmɛ nɛ ji osɔfo ɔmɛ nɛ hyɛɛ Yawɛ somi daka a nɔ ke,

Mose IV, 15:29

Mlaa kake ɔ nɔuu ngɛ kɛ ha nɔ tsuaa nɔ nɛ li e he be nɛ e ya pee yayami ko, Israel fɔmi bi jio, nɔ kpa ko nɛ ba to nyɛ nubwɔ jio.

Mose IV, 15:16

nyɛɛ kɛ nibwɔ ɔmɛ tsuo maa ye mlaa kake, kɛ blɔ nya tomi kake nɔ.”

Mose II, 12:49

Mlaa kake too nɛ ɔ maa fɔ si ha we no kɛ nubwɔ tsuo.”

Yoshua 23:2

Lɔ ɔ he ɔ, e tsɛ Israel ma a tsuo kɛ ba e ngɔ: ma nimeli, asafoatsɛmɛ, kojoli, kɛ tsɔli. E de mɛ ke, “Amlɔ nɛ ɔ, i bwɔ.

Yoshua 6:6

Jehanɛ, Nun bi Yoshua tsɛ osɔfo ɔmɛ nɛ e de mɛ ke, “Nyɛ wo somi daka a, nɛ nyɛ ti nihi kpaago nɛ a hɛɛ titimati kɛ nyɛɛ daka a hɛ mi.”

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 3:14

(Ke ní kpami be su ɔ, Yordan pa a hyiɔ nɛ e ywiaa nga). Jehanɛ ɔ, ma a tsuo hia kɛ je a sito he ɔ, nɛ́ a ya po Yordan pa a. Osɔfo ɔmɛ nɛ tloo somi daka a nyɛɛ ma a hɛ mi. Benɛ osɔfo ɔmɛ a nane ma nyu ɔ mi pɛ kɛkɛ nɛ

Mose III, 24:22

Nubwɔ jio, ma a mi no jio, mlaa kake nɛ ngɛ ha nyɛ tsuo. Imi ji Yawɛ, nyɛ Mawu ɔ nɛ.”

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Yohane 4:20

Wa nɛmɛ ja Mawu ngɛ yo nɛ ɔ nɔ, se nyɛ Yuda bi lɛɛ nyɛ ke Yerusalem ji he nɛ sa kaa wa ja Mawu ngɛ.”

Mose IV, 15:15

Mlaa kake too maa pee mlaa ha ma a, kɛ nibwɔhi nɛ ngɛ nyɛ kpɛti ɔ kɛ yaa neneene. Ngɛ Yawɛ hɛ mi ɔ,