Yoshua 8:31 - BAIBLO ALOO NGMAMI KLƆUKLƆU Ɔ

³¹ E ma lɛ kaa bɔ nɛ Yawɛ tsɔlɔ Mose fa Israel bi ɔmɛ ke a pee ɔ. Bɔ nɛ a ngma ngɛ Mose mlaa womi ɔ mi ji nɛ ɔ nɛ: “Bɔ sami la tɛ nɛ a kɛ tɛhi nɛ a kɛ dade kó we ma.” A sã sami bɔhi ngɛ nɔ kɛ ha Yawɛ, nɛ a sã tue mi jɔmi bɔhi hulɔ.

Yoshua 8:31 ပူးပေါင်းရင်းမြစ်များ

Matsɛmɛ II, 14:6

Se a bimɛ ɔmɛ lɛɛ e gbi mɛ ngɛ mlaa nɛ Yawɛ wo ɔ nya, kaa bɔ nɛ a ngma ngɛ Mose womi ɔ mi ɔ. A ngma ke, “A ko gbe fɔli ngɛ yayami nɛ a bimɛ pee ɔ he, nɛ a ko gbe bimɛ hu ngɛ yayami nɛ a fɔli pee ɔ he; yayami nɛ nɔ nitsɛ e pee ɔ, lɔ ɔ he a gbe lɛ ngɛ.”

Matsɛmɛ II, 22:8

Benɛ matsɛ pɛdiyo Shafan ngɔ matsɛ sɛ gbi ɔ ya ha Hilkia a, Hilkia de lɛ ke, “I na mlaa womi ɔ ngɛ Yawɛ we ɔ.” Hilkia ngɔ womi ɔ kɛ ha Shafan nɛ e kane.

Kronika II, 25:4

Se a bimɛ ɔmɛ lɛɛ ngɛ mlaa a nɛ Yawɛ wo ɔ nya kaa bɔ nɛ a ngma ngɛ Mose womi ɔ mi ke, “A ko gbe fɔli ngɛ yayami nɛ a bimɛ pee ɔ he, nɛ a ko gbe bimɛ hu ngɛ yayami nɛ a fɔli pee ɔ he, se ke nɔ ko pee yayami ɔ, a gbe nɔ ɔ nitsɛ ngɛ yayami nɛ e pee ɔ he ɔ, e gbi mɛ.”

Kronika II, 35:12

Enɛ ɔ se ɔ, a dla lohwe ɔmɛ nɛ a kɛ maa sã sami bɔ ɔ ngɔ ha ma a we puɔ nya we puɔ nya, konɛ a sã bɔ ɔmɛ kaa bɔ nɛ a ngma ngɛ Mose mlaa a mi ɔ.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.

Mose II, 18:12

Mose ngatsɛ Yetro ngɔ sami bɔ, kɛ bɔ kpa komɛ ba ha Yawɛ, nɛ Aaron kɛ Israel ma nimeli ɔmɛ tsuo ba, nɛ a kɛ Mose ngatsɛ ɔ ba bla kɛ ye bɔ sami ní ɔ ngɛ Mawu hɛ mi, nɛ a kɛ ja Mawu.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mateo 12:26

Lɔ ɔ he ɔ, ke Satan hia Satan ɔ, e tsɔɔ kaa e mi gba, nɛ e kɛ lɛ nitsɛ e he ngɛ ta hwue. Lɛɛ kɛ e matsɛ yemi ɔ maa pee kɛ da si kɛɛ!

Mose V, 27:2

Ligbi ɔ nɛ nyɛ maa po Yordan pa a kɛ ya su zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɔ ɔ, nyɛɛ ngɔ tɛ agboagbohi kɛ ma si, nɛ nyɛ kpa a he kalo.

Mose V, 27:8

Nyɛɛ ngma mlaa nɛ ɔmɛ tsuo ngɛ tɛ ɔmɛ nɛ a kɛ kalo kpa a he ɔ a nɔ; nɛ nyɛ ha nɛ ningma a nɛ je si paa.”

Yoshua 1:8

Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.