Yoshua 8:29 - BAIBLO ALOO NGMAMI KLƆUKLƆU Ɔ

²⁹ Se Ai matsɛ ɔ lɛɛ Yoshua sɛu lɛ ngɛ tso nɔ, nɛ e si e gbogboe ɔ ngɛ lejɛ ɔ kɛ ya si gbɔkuɛ nya si. Benɛ pu nɔ si ɔ, Yoshua fa nɛ a ya je gbogboe ɔ kɛ je tso ɔ nɔ. A sake lɛ ngɔ fɔ ma agbo ɔ nya, nɛ a to tɛhi glekuu ngɔ pue e nɔ; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

Yoshua 8:29 ပူးပေါင်းရင်းမြစ်များ

Samuel II, 18:17

A je Absalom nɛ a sake lɛ ngɔ fɔ muɔ agbo ko mi ngɛ hue ɔ mi, nɛ a muɔ tɛ babauu ngɔ pue e nɔ. Israel bi ɔmɛ tsuo tu fo, nɛ nɔ tsuaa nɔ pue lɛ nitsɛ e ma mi blɔ.

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

La 110:5

Nyɔmtsɛ ɔ ngɛ o hiɔ nɔ; ligbi ɔ nɛ e mi mi maa wo la a, e ma kpata matsɛmɛ ɔmɛ a hɛ mi.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Yoshua 10:33

Gezer matsɛ, Horam, kɛ e ta a ba konɛ a ba piɛ Lakish he. Se Yoshua gbe matsɛ ɔ, kɛ e ta a tsuo pɛpɛɛpɛ; nɔ kake po píɛ.

Yoshua 10:30

Yawɛ ngɔ ma nɛ ɔ, kɛ matsɛ ɔ ngɔ wo a dɛ nɛ a gbe mɛ tsuo pɛpɛɛpɛ; a kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yoshua pee Yeriko matsɛ ɔ, jã pɛpɛɛpɛ nɛ e pee Libna matsɛ ɔ.

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

Yoshua 12:9

Israel bi ɔmɛ gbe matsɛmɛ ɔmɛ ngɛ ma nɛ ɔmɛ a mi: Yeriko, Ai nɛ ngɛ Betel kasa nya a,

Yoshua 8:23

Se Ai matsɛ ɔ lɛɛ, a nu lɛ kɛ ba ha Yoshua.