Yoshua 8:2 - BAIBLO ALOO NGMAMI KLƆUKLƆU Ɔ

² Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:2 ပူးပေါင်းရင်းမြစ်များ

Kronika II, 13:13

Jamɛ a be ɔ mi ɔ, Yeroboam tsɔ e ta buli ɔmɛ ekomɛ nɛ a ya wo ka ngɛ Yuda tabo ɔmɛ a se je. Tabo ɔmɛ nɛ piɛ ɔ, mɛɛ lɛɛ a ngɔ a hɛ mi ngɔ kpee Yuda tabo ɔmɛ.

Kronika II, 20:22

Benɛ a hia la a nɛ a bɔni Yawɛ yi jemi pɛ Yawɛ ha nɛ basabasa te si ngɛ he nyɛli ɔmɛ nɛ ba tua Yuda a a kpɛti, nɛ a fia a he ní. Mɛ ji Amon, Moab kɛ Edom bihi.

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Abɛ Womi 28:20

Nɔ nɛ yeɔ anɔkuale ɔ, a maa gbaa lɛ babauu. Se nɔ nɛ he sɔɔ kɛ naa ní ɔ, nyagbe ɔ, ja a gbla e tue kɛ̃.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Mose V, 2:35

Wa ngɔ we mi lohwe ɔmɛ, nɛ wa ha níhi ngɛ ma amɛ a mi.

Mose V, 20:14

Yi ɔmɛ, jokuɛwi ɔmɛ, we mi lohwe ɔmɛ, kɛ níhi tsuo nɛ ngɛ ma a mi ɔ, o ma nyɛ maa ngɔ kɛ pee o nɔ. O he nyɛli ɔmɛ a tabo ɔ mi ní ɔmɛ tsuo maa pee o nɔ́. Yawɛ, o Mawu ɔ nɛ ngɔ ha mo.

Mose V, 3:2

Kɛkɛ nɛ Yawɛ de mi ke, ‘Koo ye lɛ gbeye, ejakaa i ngɔ e kɛ e ma a, kɛ e zugba a tsuo ngɔ wo o dɛ nɛ o pee lɛ kaa bɔ nɛ o pee Amor bi ɔmɛ a matsɛ, Sihon nɛ hi Heshbon ɔ.’

Yoshua 10:1

Yerusalem matsɛ, Adonizedek nu kaa Yoshua ngɔ Ai ma a, nɛ e kpata ma a hɛ mi pɛsɛpɛsɛ. E nu kaa Yoshua gbe matsɛ ɔ, kaa bɔ nɛ e pee Yeriko ma a, kɛ matsɛ ɔ. E nu hu kaa Gibeon bi ɔmɛ, kɛ Israel bi ɔmɛ ba pee huɛmɛ, nɛ a kɛ mɛ ngɛ.

Yoshua 10:28

Yoshua ye Makeda nɔ kunimi jamɛ a ligbi ɔ. E gbe ma a mi bi ɔmɛ, kɛ a matsɛ ɔ; e kpata nɔ tsuaa nɔ hɛ mi, nɛ nɔ kake po píɛ. Bɔ nɛ e pee Yeriko matsɛ ɔ, jã pɛpɛɛpɛ e pee Makeda matsɛ ɔ.

Yoshua 11:14

Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Yoshua 6:21

A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.

Yoshua 8:12

Yoshua ngɔ nihi maa pee akpe enuɔ kɛ ya wo ka ngɛ Betel kɛ Ai a kpɛti, ngɛ Ai bonyoku je.

Yoshua 8:14

Benɛ Ai matsɛ ɔ na Yoshua ta a, e kɛ e ta buli ɔmɛ tsuo te si mɔtu kpla nɛ a ya tua Israel bi ɔmɛ ngɛ Yordan kɔ̃ ɔ mi, he nɛ a kɛ mɛ kpe ngɛ kekle ɔ. Se matsɛ ɔ li tete kaa a wo lɛ ka ngɛ ma a se je.

Yoshua 8:19

Benɛ ka woli ɔmɛ na okadi nɛ ɔ, a te si esɔesɔ kɛ je a laami he ɔ, nɛ a kɛ fo sɛ ma a mi. A ngɔ ma a, nɛ a mɛ he la nɔuu.

Yoshua 8:24

Israel bi ɔmɛ gbe Ai bi ɔmɛ nɛ nyɛɛ a se kɛ ho nga a nɔ ya a tsuo pɛpɛɛpɛ. Lɔ ɔ se ɔ, a kpale kɛ ba Ai ma a mi, nɛ a gbe nihi nɛ piɛ ngɛ lejɛ ɔ.

Yoshua 8:3

Yoshua kɛ tabo ɔ tsuo dla a he konɛ a ya tua Ai. E hla katsɛmɛ akpe nyingmi etɛ sɔuu, nɛ e wo mɛ blɔ nyɔ mi.

Yoshua 8:7

Kɛkɛ ɔ, nyɛ ka woli ɔmɛ nyɛ maa je se je ɔ kɛ ba tua ma a; ejakaa Yawɛ, nyɛ Mawu ɔ maa ngɔ ma a ngɔ wo nyɛ dɛ.

Yoshua 8:8

Ke nyɛ ngɔ ma a, nyɛɛ mɛ he la kaa bɔ nɛ Yawɛ fa nyɛ ɔ. Nyɛɛ hyɛ nɛ nyɛɛ pee ja pɛpɛɛpɛ.”

Yoshua 8:9

Kɛkɛ nɛ Yoshua wo mɛ blɔ; nɛ a ya wo Ai ma a he ka. A laa a he ngɛ Betel kɛ Ai a kpɛti, ngɛ Ai bonyoku je, nɛ Yoshua kɛ Israel ma nɛ piɛ ɔ hwɔ ma sito he ɔ jamɛ a nyɔ ɔ mi.

Yoshua 9:3

Se benɛ Gibeon bi ɔmɛ nɛ ji Hiv bi ɔmɛ nu bɔ nɛ Yoshua pee Yeriko kɛ Ai ma amɛ ɔ,