Yoshua 8:14 - BAIBLO ALOO NGMAMI KLƆUKLƆU Ɔ

¹⁴ Benɛ Ai matsɛ ɔ na Yoshua ta a, e kɛ e ta buli ɔmɛ tsuo te si mɔtu kpla nɛ a ya tua Israel bi ɔmɛ ngɛ Yordan kɔ̃ ɔ mi, he nɛ a kɛ mɛ kpe ngɛ kekle ɔ. Se matsɛ ɔ li tete kaa a wo lɛ ka ngɛ ma a se je.

Yoshua 8:14 ပူးပေါင်းရင်းမြစ်များ

Mateo 24:39

Jamɛ a be ɔ mi tsuo ɔ, a li nɔ́ nɛ ngɛ nɔ yae kɛ ya si nyu kpekpemi ɔ ba muɔ mɛ tsuo kɛ ho. Ligbi ɔ nɛ Nɔmlɔ Bi ɔ maa ba a, kikɛ nɛ ɔ nɔuu níhi maa ya nɔ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Mateo 24:50

Jamɛ a tsɔlɔ ɔ, e nyɔmtsɛ ɔ maa ba ligbi nɛ e hyɛ we lɛ blɔ, kɛ ngmlɛfia nɛ e li.

Daniel 4:31

Matsɛ ɔ nya na we nɛ e nɔ si nɛ gbi ko tu munyu kɛ je hiɔwe ke, “Matsɛ Nebukadnezar, bɔ nɛ i ngɛ mo dee ji nɛ ɔ nɛ! A kpɔ matsɛ yemi ɔ ngɛ o dɛ.

Yesaya 19:13

Zoan kɛ Memfis ganɔ ɔmɛ ɔ, kuasiahi sɔuu ji mɛ. Mɛ nɛ́ a ko tsɔɔ ma a blɔ ɔ, mɛ mohu a ha ma a laa blɔ.

Yesaya 19:11

Ganɔ ɔmɛ nɛ a ngɛ Zoan ɔ, kuasiahi sɔuu ji mɛ! Ga woli nɛ a buu mɛ ngɛ Egipt ɔ, ga yaya mohu a woɔ! Kɛ ba kɛɛ nɛ a deɔ matsɛ ɔ ke blema womi mi leli, kɛ matsɛmɛ a bimɛ ji mɛ kɛɛ?

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Yoshua 8:16

A tsɛ ma a mi bi ɔmɛ tsuo, nɛ a nyɛɛ Yoshua kɛ e we bi ɔmɛ a se kɛ fo kɛ je ma a mi kɛ ya se saii.

Yoshua 8:5

Imi lɛɛ i kɛ ye we bi ɔmɛ maa su ma a he haa. Ke Ai bi ɔmɛ je kpo kɛ ba na wɔ ɔ, wa maa tu fo kaa bɔ nɛ wa pee kekle ɔ.

Mose V, 1:1

Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Yoshua 8:13

A gba ta a: ta ngua a ya je Ai omleyi je, nɛ se ta a ya je bonyoku je. Yoshua hwɔ kɔ̃ ɔ mi jamɛ a nyɔ ɔ mi.

Yoshua 8:15

Kɛkɛ nɛ Yoshua kɛ Israel ta a tsuo kulaa pee kaa nɔ́ nɛ a ngɛ mɛ fiee, nɛ a tu fo kɛ pule nga a nɔ blɔ.

Manyadali 20:37

Ka woli ɔmɛ hu gbɔ fo esɔesɔ kɛ sɛ Gibea, nɛ a kɛ klaate gbe nɔ tsuaa nɔ nɛ ngɛ ma a mi.