Yoshua 8:1 - BAIBLO ALOO NGMAMI KLƆUKLƆU Ɔ

¹ Jehanɛ, Yawɛ de Yoshua ke, “O kɛ tabo ɔ tsuo nyɛɛ kuɔ yo ɔ kɛ ya Ai. Sawale kó nu mo, nɛ o tsui kó po hulɔ. Ma ha o maa ye Ai matsɛ ɔ, kɛ e ma a a nɔ, nɛ zugba a tsuo maa pee nyɛ nɔ.

Yoshua 8:1 ပူးပေါင်းရင်းမြစ်များ

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yeremia 46:27

“Ye ma, nyɛ tsui nɛ ko po, Israel bi, nyɛ ko ye gbeye. Ma je nyɛ kɛ je jamɛ a ma se zugba a nɔ he nɛ a nuu nyɛ kɛ ho ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 49:3

Nyɛ Heshbon bi, nyɛɛ wo yana, ejakaa a kpata Ai hɛ mi. Raba yihi, nyɛ nya awe! Nyɛ bu kpekpe ya bo, nɛ nyɛɛ ye kɔmɔ. Nyɛɛ hi fo tue kɛ hi bee basaa kɛkɛ. Nyɛ mawu ɔ nɛ a tsɛɛ lɛ Milkom ɔ, a ma ba ngɔ lɛ kɛ ho ma se ya, kɛ e we osɔfo ɔmɛ, kɛ ganɔ ɔmɛ.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 10:7

Kɛkɛ nɛ Yoshua kɛ e tabo ɔ tsuo, kɛ e katsɛmɛ ɔmɛ hia kɛ je Gilgal.

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 6:2

Yawɛ de Yoshua ke, “I ngɔ Yeriko, kɛ a matsɛ ɔ, kɛ a ta buli katsɛmɛ ɔmɛ tsuo ngɔ wo o dɛ.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”