Yoshua 7:9 - BAIBLO ALOO NGMAMI KLƆUKLƆU Ɔ

⁹ Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Yoshua 7:9 ပူးပေါင်းရင်းမြစ်များ

La 115:1

Yawɛ, pi wɔ oo, pi wɔ, se mo nɛ o sa hɛ mi nyami; ejakaa o suɔmi ngɛ daa, nɛ o we anɔkuale yemi hu be nyagbe.

La 48:10

Mawu, dami sane pɛ o yeɔ; nɛ kaa bɔ nɛ o biɛ ngɛ pɛe ɔ, a ngɛ o yi jee ngɛ je ɔ mi tsuo.

La 79:9

Mawu, piɛ wa he nɛ o he wa yi wami. Mo he wɔ, nɛ o ngɔ wa he yayami kɛ pa wɔ kɛ wo mo nitsɛ o biɛ ɔ hɛ mi nyami.

La 83:4

A ngɛ dee ke, “Nyɛ ha nɛ wa kpata ma a hɛ mi, konɛ biɛ Israel ɔ, nɔ ko kó kai hu.”

La 83:5

Ee, a pee kake kɛ wo o he; mɛ tsuo a so kɛ wo o he:

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Mose IV, 14:13

Se Mose de Yawɛ ke, “O ngɔ o kɔni si wami kɛ je ma nɛ ɔ kɛ je Egipt. Ke Egipt bi ɔmɛ nu nɔ́ nɛ o pee o ma a,

Yohane 12:28

Tsaatsɛ, wo mo nitsɛ o hɛ mi nyami!” Kɛkɛ nɛ gbi ko je hiɔwe de ke, “I wo ye hɛ mi nyami momo, se ma kpale pee ekohu.”

Mose V, 9:28

Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Yoshua 7:10

Kɛkɛ nɛ Yawɛ de Yoshua ke, “Tee si koo! Mɛni he je o kɛ o hɛ mi bu zugba kikɛ nɛ ɔ?

Yoshua 7:8

Nyɔmtsɛ, nɛ Israel ngɛ fo tue ngɛ he nyɛli ɔmɛ a hɛ mi nɛ ɔ, kɛ ma de kɛɛ?

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.