Yoshua 7:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Yoshua 7:6 ပူးပေါင်းရင်းမြစ်များ

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Samuel II, 1:12

A wo yana, nɛ a ye kɔmɔ, nɛ a ha hwɔ kɛ ya si gbɔkuɛ. A wo yana kɛ ha Saul kɛ e bi Yonatan, kɛ Israel, Yawɛ ma a; ejakaa nimli babauu gbo ngɛ ta a mi.

Samuel II, 1:2

Ligbi etɛne ɔ, nyumu ko je Saul ta a mi kɛ ba. E hía e tade ɔmɛ ngɛ e he, nɛ e ngɔ zu ngɔ pue e yi mi kɛ tsɔɔ kaa e ngɛ kɔmɔ yee. E ba David ngɔ, nɛ e kɛ bumi ba kpla si ngɛ e hɛ mi.

Samuel II, 12:16

David kpa Mawu pɛɛ nɛ́ e ha nɛ jokuɛ ɔ nɛ na he wami. David kua ní yemi; nɛ daa nyɔ mi ɔ, e hwɔɔ zugba kɛ ya siɔ je nami.

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Samuel II, 13:31

Kɛkɛ nɛ matsɛ ɔ te si nɛ e kɛ aywilɛho hía e tade ɔmɛ ngɛ e he, nɛ e hwɔ si ngɛ zugba; nɛ e tsɔli ɔmɛ tsuo nɛ daa si ngɛ e kasa nya a hu hía a tade ɔmɛ ngɛ a he.

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Kronika II, 34:19

Benɛ matsɛ ɔ nu mlaa womi ɔ mi munyu ɔmɛ nɛ a ngɛ kanee ɔ, e hía e tade ɔmɛ ngɛ e he,

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Ester 4:3

He tsuaa he nɛ a fiɛ matsɛ ɔ mlaa a kɛ ya su ɔ, Yuda bi ɔmɛ nyaa awe, nɛ a yeɔ kɔmɔ. A haa hwɔ, nɛ a woɔ yana kɛ ngmlaa. Nihi babauu nitsɛ ha kpekpe ya bo, nɛ a hwɔ la zu mi.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Hiob 2:12

Benɛ a ma ngɛ tsitsaa a, a na Hiob, se a yo we lɛ. Benɛ a ba yo lɛ ɔ, a wo yana nɛ a nya awe. A kɛ aywilɛho hía tade ɔmɛ ngɛ a he, nɛ a fĩa bunyuku kɛ ho hiɔwe ya kɛ pue a yi mi.

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Mose IV, 14:6

Nun bi Yoshua, kɛ Yefune bi Kaleb, nɛ ji slaali ɔmɛ a ti nihi enyɔ hía a he tadehi,

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 16:45

“Nyɛɛ hɛ nyɛ kɛ je ma nɛ ɔ he kɛ ya se nɛ ma kpata a hɛ mi ngɛ hɛngmɛfia mi!” Se Mose kɛ Aaron kpla si nɛ a ngɔ a hɛ mi kɛ bu si,

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Yoshua 7:7

Yoshua de ke, “Aa, Nyɔmtsɛ Mawu, mɛni he je o kɛ ma a po Yordan pa a kɛ ba hiɛ ɔ kulaa lɛɛ? O kɛ wɔ ba ha Amor bi ɔmɛ nɛ a kpata wa hɛ mi lo? Mɛni he je wa hí Yordan pa a se kɛkɛ?

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Manyadali 11:35

Benɛ Yefta na lɛ ɔ, e kɛ aywilɛho hía e tade ɔmɛ, nɛ e de ke, “Akuanyɛ! Ye biyo, o tsɔ ye tsui kpa! Hyɛ amanehlu nɛ o kɛ ba ye nɔ! I wo Yawɛ si, nɛ i be nyɛe ma kpale ye nya se.”

Manyadali 20:26

Kɛkɛ nɛ Israel tabo ɔ, kɛ ma a tsuo pue nɔ kɛ ho Betel ya, nɛ a ya wo yana. A ya hi si ngɛ Yawɛ hɛ mi, nɛ a ha hwɔ jamɛ a ligbi ɔ kɛ ya si gbɔkuɛ. A sã sami bɔhi, kɛ tue mi jɔmi bɔhi ngɛ Yawɛ hɛ mi;

Manyadali 21:2

Kɛkɛ nɛ ma a ba Betel nɛ a ba hi si ngɛ Mawu hɛ mi ngɛ lejɛ ɔ kɛ ya si gbɔkuɛ. A wo yana boboobo, nɛ a bi ke,

Samuel I, 4:12

Nyumu ko nɛ je Benyamin wɛtso ɔ mi gbɔ fo kɛ je ta nga a nɔ kɛ ba Shilo jamɛ a ligbi ɔ nɔuu kɛ e he tade nɛ hía, kɛ e yi mi zu.