Yoshua 7:5 - BAIBLO ALOO NGMAMI KLƆUKLƆU Ɔ

⁵ Ai bi ɔmɛ wo mɛ fo kɛ je ma a agbo ɔ nya kɛ ya su he nɛ a gbaa tɛ ngɛ ɔ, nɛ a gbe Israel bi ɔmɛ maa pee nihi nyingmi etɛ kɛ ekpa benɛ a ngɛ si kplee ɔ. Nɛ e pee ja a, Israel ma a tsui po, nɛ a he jɔ kaa nyu.

Yoshua 7:5 ပူးပေါင်းရင်းမြစ်များ

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

Ezekiel 21:7

Ke a bi mo nɔ́ nɛ ngɛ mo pee loko o ngɛ kɛmɛe kɛ aywilɛho wawɛɛ kikɛ nɛ ɔ, de mɛ ke sane nɛ ma a nya wa tsɔ. Nɔ tsuaa nɔ tsui maa po; nɔ tsuaa nɔ nine mi maa je wu; nɔ tsuaa nɔ maa pee vii ngɛ e mi; nɛ nakutso tsuaa nakutso mi maa jɔ kaa nyu. Be ɔ ma, e su ta, nɛ e maa ba mi amlɔ nɔuu.” Nyɔmtsɛ Yawɛ lɛ de.

Yesaya 13:7

Nɔ tsuaa nɔ he mi maa po, nɛ sawale maa nu lɛ.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Mose V, 1:44

Kɛkɛ nɛ Amor bi ɔmɛ nɛ ngɛ Edom yo ɔmɛ a nɔ ɔ je kpo kɛ ba kaa hwo bihi, nɛ a kɛ nyɛ ba kpe. A fie nyɛ hluu kɛ ya su Horma, nɛ a ye nyɛ nɔ ngɛ lejɛ ɔ, ngɛ Edom yo zugba a nɔ.

La 58:7

Ha nɛ a laa kaa pa nɛ ngɛ fae; ha nɛ a naa a nɔ kaa a naa nga gbigbli nɔ.