Yoshua 7:26 - BAIBLO ALOO NGMAMI KLƆUKLƆU Ɔ

²⁶ A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Yoshua 7:26 ပူးပေါင်းရင်းမြစ်များ

Samuel II, 18:17

A je Absalom nɛ a sake lɛ ngɔ fɔ muɔ agbo ko mi ngɛ hue ɔ mi, nɛ a muɔ tɛ babauu ngɔ pue e nɔ. Israel bi ɔmɛ tsuo tu fo, nɛ nɔ tsuaa nɔ pue lɛ nitsɛ e ma mi blɔ.

Samuel II, 21:14

A ya pu Saul kɛ e bi Yonatan a wu ɔmɛ ngɛ Benyamin zugba a nɔ ngɛ Zela, ngɛ e tsɛ Kish yɔkɔ ɔ mi; nɛ a pee nɔ́ tsuaa nɔ́ kaa bɔ nɛ matsɛ ɔ fa mɛ ɔ. Lɔ ɔ se ɔ, Mawu bu a kue nɛ a fa kɛ ha ma a tue.

Kronika II, 29:10

“Amlɔ nɛ ɔ, i to ye yi mi kaa i kɛ Yawɛ, Israel Mawu ɔ maa so, konɛ e mi mi nɛ fu wɔ wawɛɛ ɔ se nɛ po.

Ezra 10:14

Ha nɛ wa ma tsɔli ɔmɛ nɛ a da ma a tsuo nane mi ngɛ Yerusalem hiɛmɛ nɛ ɔ. Nɔ tsuaa nɔ nɛ ngɔ ma se yo ɔ, ha nɛ e ba hiɛ ɔ be nɛ a maa to lɛ ɔ. E kɛ e ma mi he nɛ e je ɔ ma nimeli, kɛ kojoli nɛ ba. A pee enɛ ɔ hluu kɛ yaa si Mawu mi mi fumi nɛ nya wa ngɛ sane nɛ ɔ he je ɔ se maa po ngɛ wa nɔ.”

La 85:4

Mawu, wa yi wami helɔ, kpale wɔ kɛ ba o ngɔ ekohu. O mi mi ko fu wɔ hu!

Mose II, 32:12

Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Yesaya 65:10

Ye ma a mi bi nɛ hlaa ye se blɔ ɔ, Sharon nga a nɔ maa pee a to lɛmi he, nɛ Haomi kɔ̃ ɔ mi ji he nɛ a nahi maa jɔɔ a he ngɛ.

Kɔmɔ Yemi 3:53

A sake mi ngɔ fɔ muɔ mi hɛ ngmengmle, nɛ a ngɔ tɛ kɛ tsi ye yi.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Yoel 2:18

Pee se ɔ, Yawɛ kai e ma a, nɛ e na mɛ mɔbɔ.

Yona 1:15

Kɛkɛ nɛ a nu Yona nɛ a sake lɛ ngɔ fɔ wo ɔ mi; nɛ wo ɔ ngmɛ dii.

Zakaria 6:8

Jehanɛ, bɔfo ɔ de mi kɛ ngmlaa ke, “Okpɔngɔ ɔmɛ nɛ ya slaa omleyi je ɔ ha Yawɛ abofu ɔ nya ba si.”

Mose IV, 25:8

nɛ e nyɛɛ Israel no ɔ se kɛ ya sɛ e se tsu mi; nɛ e kɛ akplɔ nɛ e hɛɛ ɔ gbɔ nyumu ɔ kɛ yo ɔ tsuo kɛ ya pa si. Kɛkɛ nɛ gbenɔ hiɔ ɔ se po ngɛ Israel bi ɔmɛ a kpɛti.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Yoshua 10:27

Benɛ pu yaa nɔ si ɔ, Yoshua fa nɛ a ya je mɛ kɛ je tso ɔmɛ a nɔ. A ya hɛɛ mɛ ngɔ pue tɛ puɔ ɔ nɛ a ya laa a he ngɛ mi ɔ kɛ̃ mi. Kɛkɛ nɛ a ngɔ tɛ agboagbohi kɛ tsi tɛ puɔ ɔ nya; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

Yoshua 7:24

Kɛkɛ nɛ Yoshua kɛ Israel bi ɔmɛ tsuo nu Akan, Zera bi ɔ, e binyumu ɔmɛ, e biyi ɔmɛ, kɛ e we mi lohwe ɔmɛ tsuo: na, teji, kɛ to. Jehanɛ, a muɔ e bo tsu ɔ, kɛ musu ní ɔmɛ nɛ ji sika hiɔ ɔ, bo ɔ, sika tsu kpɔ kake ɔ, kɛ e nɔ́ tsuaa nɔ́. A kɛ nimli ɔmɛ, lohwe ɔmɛ, kɛ ní ɔmɛ tsuo ho Haomi Kɔ̃ ɔ mi ya.

Yoshua 8:29

Se Ai matsɛ ɔ lɛɛ Yoshua sɛu lɛ ngɛ tso nɔ, nɛ e si e gbogboe ɔ ngɛ lejɛ ɔ kɛ ya si gbɔkuɛ nya si. Benɛ pu nɔ si ɔ, Yoshua fa nɛ a ya je gbogboe ɔ kɛ je tso ɔ nɔ. A sake lɛ ngɔ fɔ ma agbo ɔ nya, nɛ a to tɛhi glekuu ngɔ pue e nɔ; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.