Yoshua 7:25 - BAIBLO ALOO NGMAMI KLƆUKLƆU Ɔ

²⁵ Jehanɛ Yoshua bi Akan ke, “Mɛni he je o hao wɔ kikɛ nɛ ɔ? Mwɔnɛ nɛ ɔ, Yawɛ hu maa hao mo!” Kɛkɛ nɛ Israel ma a tsuo fia Akan tɛ nɛ e gbo; a fia e weku li ɔmɛ hu tɛ, nɛ a kɛ la sã lɛ, kɛ e weku li, kɛ e nɔ́ tsuaa nɔ́.

Yoshua 7:25 ပူးပေါင်းရင်းမြစ်များ

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Kronika I, 2:7

Karmi bi Akan, Zera nina a kake ya ngɔ níhi nɛ a tsu he ngɔ ha Mawu ɔ eko; nɛ nɔ́ nɛ ɔ kɛ amanehlu ba Israel ma a nɔ.

Abɛ Womi 1:19

Nihi tsuo nɛ guu awi yemi mi kɛ naa ní ɔ, bɔ nɛ a nyagbe ya baa ji nɛ ɔ nɛ; awi yemi mi nɔuu a gboɔ ngɛ.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

Mose III, 20:14

Ke nyumu ko ngɔ nɔ kɛ e bi tsuo ɔ, e bɔ musu; a sã mɛ ni etɛ ɔmɛ tsuo, konɛ nɔ ko kó tsu musu ní nɛ ɔ eko ngɛ nyɛ kpɛti hu.

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Mose III, 21:9

Ke osɔfo ko biyo pee e he yaholɔ ɔ, e pue e tsɛ hɛ mi si. A sã lɛ nɛ e gbo.

Mose III, 24:14

“Jé nyumu ɔ nɛ bɔ musu ɔ kpo kɛ je ma sito he ɔ. Nɔ tsuaa nɔ nɛ nu e musu bɔmi munyu ɔ, é ngɔ e nine ngɔ pue nyumu ɔ yi mi, konɛ ma a tsuo nɛ fia lɛ tɛ.

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Mose V, 13:11

Ke e ba mi ja a, Israel ma a tsuo maa nu sane ɔ he; a maa ye gbeye, nɛ nɔ ko nɔ ko be nɔ́ yayami kaa kikɛ nɛ ɔ pee hu.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Yoshua 6:18

Nyɛɛ yu nyɛ he kɛ je níhi nɛ a ma kpata a hɛ mi ɔ a he, bɔ nɛ pee nɛ nyɛ hɛ ko ba kɔ a nɔ, nɛ nyɛ ba ngɔ eko. Ke nyɛ pee ja a, nyɛɛ kɛ haomi, kɛ hɛ mi kpatami maa ba Israel tsuo nɔ.

Yoshua 7:15

Nɔ nɛ a maa na musu ní ɔmɛ ngɛ e dɛ ɔ, a kɛ la maa sã lɛ, kɛ e weku li, kɛ e nɔ́ tsuaa nɔ́. Ejakaa e tsu zo ní ngɛ Israel, nɛ imi Yawɛ, ye somi ɔ hu e yi nɔ.”

Samuel I, 14:29

Yonatan he nɔ ke, “Mɛni haomi tsaatsɛ kɛ ba ma a nɔ nɛ ɔ. Nɛ i sa ye nya hwo bɔbɔyoo nɛ ɔ, nyɛɛ hyɛ bɔ nɛ i ba nɔmlɔ mi ha!