Yoshua 7:24 - BAIBLO ALOO NGMAMI KLƆUKLƆU Ɔ

²⁴ Kɛkɛ nɛ Yoshua kɛ Israel bi ɔmɛ tsuo nu Akan, Zera bi ɔ, e binyumu ɔmɛ, e biyi ɔmɛ, kɛ e we mi lohwe ɔmɛ tsuo: na, teji, kɛ to. Jehanɛ, a muɔ e bo tsu ɔ, kɛ musu ní ɔmɛ nɛ ji sika hiɔ ɔ, bo ɔ, sika tsu kpɔ kake ɔ, kɛ e nɔ́ tsuaa nɔ́. A kɛ nimli ɔmɛ, lohwe ɔmɛ, kɛ ní ɔmɛ tsuo ho Haomi Kɔ̃ ɔ mi ya.

Yoshua 7:24 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 20:15

Ní kpakpahi nɛ yayami peelɔ mi ɔ, e vieɔ kɛ pueɔ si ekohu. Mawu nitsɛ jeɔ ní ɔmɛ kɛ jeɔ e mi mi.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Abɛ Womi 15:27

Nɔ nɛ peeɔ jiklɔɔ konɛ e na se yaka a, haomi mohu nya e ngɛ buae ha e weku li. Nɔ nɛ he we nyɔ mi ní ɔ, e se kɛɔ ngɛ je mi.

Fiɛlɔ 5:13

Nɔ́ yayami ko hu nɛ i na ngɛ je ɔ mi ji nɛ ɔ nɛ. Nihi buaa sika babauu nya, nɛ e ba peeɔ haomi ha mɛ.

Yesaya 65:10

Ye ma a mi bi nɛ hlaa ye se blɔ ɔ, Sharon nga a nɔ maa pee a to lɛmi he, nɛ Haomi kɔ̃ ɔ mi ji he nɛ a nahi maa jɔɔ a he ngɛ.

Hosea 2:15

Ma ngɔ wai abɔɔ ɔmɛ kɛ ha lɛ ekohu. Haomi Kɔ̃ ɔ ma plɛ pee he ko nɛ e ma ná ní kpakpahi ngɛ. E kɛ mi maa hi si saminya kaa bɔ nɛ e pee ngɛ e yihe mi, benɛ e je Egipt kɛ ba a.

Yoshua 15:7

Kɛ je lejɛ ɔ, huzu ɔ ya gu Haomi kɔ̃ ɔ mi kɛ ya su Debir, nɛ e lɔgɔ kɛ gu Gilgal ngɛ Adumim yo kpɛ blɔ ɔ nɔ ngɛ kɔ̃ ɔ leneyi je. Huzu ɔ tsa nɔ kɛ ya gu Enshemesh pa a nya kɛ ya su Enrogel.

Yoshua 22:20

Anɛ nyɛ kaii we Zera binyumu Akan lo? Benɛ Akan tɔ mlaa nɛ kɔɔ níhi nɛ sa kaa a kpata a hɛ mi ɔ he ɔ, a gbla Israel ma a tsuo tue; pi Akan nɔ kake pɛ nɛ gbo ngɛ yayami nɛ ɔ he.”

Yoshua 6:18

Nyɛɛ yu nyɛ he kɛ je níhi nɛ a ma kpata a hɛ mi ɔ a he, bɔ nɛ pee nɛ nyɛ hɛ ko ba kɔ a nɔ, nɛ nyɛ ba ngɔ eko. Ke nyɛ pee ja a, nyɛɛ kɛ haomi, kɛ hɛ mi kpatami maa ba Israel tsuo nɔ.

Yoshua 6:21

A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Yoshua 7:23

A muɔ ní ɔmɛ kɛ je bo tsu ɔ mi kɛ ba Yoshua kɛ Israel bi ɔmɛ tsuo a ngɔ, nɛ a kɛ ba pue si ngɛ Yawɛ hɛ mi.

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.