Yoshua 7:19 - BAIBLO ALOO NGMAMI KLƆUKLƆU Ɔ

¹⁹ Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

Yoshua 7:19 ပူးပေါင်းရင်းမြစ်များ

Matsɛmɛ II, 20:15

Yesaya bi lɛ ekohu ke, “Mɛni a ba na ngɛ o we ɔ mi?” Hezekia he nɔ ke, “A ba na ye we ɔ mi nɔ́ tsuaa nɔ́; nɔ́ ko be ye nito he ɔmɛ nɛ i tsɔɔ we mɛ.”

Kronika II, 30:22

Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya. Ma a ye Abolokplolo nyami be ɔ ligbi kpaago sɔuu; a sã tue mi jɔmi bɔhi, nɛ a na Yawɛ, a nɛmɛ a Mawu ɔ si. Ligbi kpaago ɔmɛ a se ɔ,

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

La 51:3

Ye tɔmi ɔmɛ ɔ, imi nitsɛ i le, nɛ ye hɛ ngɛ ye yayami ɔmɛ a nɔ daa.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yesaya 13:12

Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

Luka 17:18

Mɛni he je nɛ ma se no nɛ ɔ pɛ lɛ kpale e se kɛ ba na Mawu si ɔ?”

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Romabi 10:10

Ejakaa tsui a kɛ heɔ yeɔ loko Mawu woɔ nɔ nguɔ; nɛ ke waa kɛ wa nya jaje ɔ, a ma he wa yi wami.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Yakobo 1:20

Mi mi fumi ha we nɛ nɔ peeɔ Mawu suɔmi nya ní.

Yoshua 7:20

Akan he nɔ nɛ e de Yoshua ke, “Niinɛ, i pee yayami kɛ si Yawɛ, Israel Mawu ɔ; nɔ́ nɛ i pee ji nɛ ɔ nɛ:

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Samuel I, 14:43

Kɛkɛ nɛ Saul de Yonatan ke, “De mi nɔ́ nɛ o pee ɔ.” Yonatan de lɛ ke, “I ngɔ tso ɔ nɛ i hɛɛ ɔ nya kɛ sɔ hwo mi nɛ i lɔ. Imi ji nɛ ɔ nɛ; i dla ye he kɛ ha gbenɔ.”

Samuel I, 6:5

Lɔ ɔ he ɔ, nyɛɛ pee sika tsu tslɔɔ nɛ ɔmɛ, kɛ sika tsu kɔkue nɛ ɔmɛ nɛ daa si ha kɔkuehi nɛ ba ngɛ nyɛ zugba a hɛ mi kpatae ɔ, konɛ nyɛ ya wo Israel Mawu ɔ hɛ mi nyami kaa, alini e maa jɔɔ nyɛɛ kɛ nyɛ wɔ ɔmɛ, kɛ nyɛ zugba a tue gblami lo.