Yoshua 7:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ se ɔ, e ha Zabdi we ɔ mi nyumu ɔmɛ ba kakaaka, nɛ a nu Karmi bi Akan, Zabdi bibi ɔ.

Yoshua 7:18 ပူးပေါင်းရင်းမြစ်များ

Abɛ Womi 13:21

Haomi nyɛɛɔ yayami peeli a se. Se nihi nɛ peeɔ nɔ́ nɛ da lɛɛ a ma na hiɔwo kpakpa.

Yeremia 2:26

Yawɛ ke, “Kaa bɔ nɛ ke a nu julɔ nɛ a pueɔ e hɛ mi si ɔ, ja nɔuu lɛ a ma pue nyɛ Israel ma a tsuo, nyɛ matsɛmɛ ɔmɛ, ganɔ ɔmɛ, nyɛ we osɔfo ɔmɛ, kɛ gbali ɔmɛ nyɛ hɛ mi si.

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Yoshua 7:17

E ha Yuda wɛtso ɔ ba we puɔ nya we puɔ nya, nɛ a nu Zera we puɔ nya. Jehanɛ, e ha Zera we puɔ nya a ba weku nya weku nya, nɛ a nu Zabdi weku ɔ.

Samuel I, 14:42

Jehanɛ Saul de ke, “Nyɛɛ fɔ sɔ ngɛ i kɛ ye bi Yonatan wa nɔ.” Nɛ sɔ ɔ nɔ Yonatan nɔ.