Yoshua 7:12 - BAIBLO ALOO NGMAMI KLƆUKLƆU Ɔ

¹² Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!

Yoshua 7:12 ပူးပေါင်းရင်းမြစ်များ

La 44:10

O ha wa tu fo ngɛ ta nya, nɛ wa he nyɛli ɔmɛ ha wa níhi.

La 60:10

Mawu, anɛ pi mo nɛ o kua wɔ ɔ lo? Mawu, o kɛ wa tabo ɔ tsa yɛ ta!

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Yesaya 59:2

Mohu nyɛ ná nyɛɛ le kaa nyɛ he yayami ɔmɛ ji níhi nɛ gba nyɛɛ kɛ nyɛ Mawu ɔ nyɛ kpɛti; nyɛ he yayami ɔmɛ tsi e hɛ mi; lɔ ɔ he nɛ ke nyɛ fa kue nɛ e nui ɔ nɛ.

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Mose IV, 14:39

Benɛ Mose ya bɔ Israel bi ɔmɛ tsuo sane nɛ ɔ, a ye kɔmɔ wawɛɛ nitsɛ.

Mose IV, 14:42

Nyɛ ko ya, ejakaa Yawɛ be nyɛ se. Ke nyɛ ya a, nyɛ he nyɛli ɔmɛ maa fia nyɛ ní kɛ pue si.

Mose IV, 14:43

Ke nyɛɛ kɛ Amalek bi ɔmɛ, kɛ Kanaan bi ɔmɛ ya bua a, nyɛ maa nɔ ngɛ klaate nya. Yawɛ be nyɛ he piɛe, ejakaa nyɛ kua lɛ.”

Mose IV, 14:45

Kɛkɛ nɛ Amalek bi, kɛ Kanaan bi nɛ ngɛ jamɛ a yoku ɔ nɔ ɔ ba tua mɛ, nɛ a ye a nɔ; nɛ a fie mɛ kɛ ya si Horma tɔɔ.

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Yoshua 6:18

Nyɛɛ yu nyɛ he kɛ je níhi nɛ a ma kpata a hɛ mi ɔ a he, bɔ nɛ pee nɛ nyɛ hɛ ko ba kɔ a nɔ, nɛ nyɛ ba ngɔ eko. Ke nyɛ pee ja a, nyɛɛ kɛ haomi, kɛ hɛ mi kpatami maa ba Israel tsuo nɔ.

Manyadali 16:20

Delila de lɛ ke, “Samson! Filisti bi ɔmɛ ma mo numi!” Kɛkɛ nɛ Samson hɛ tsɛ̃, nɛ e de ke, “Ma je kpo kaa bɔ nɛ i peeɔ daa a, nɛ ma ya hoso ye he.” Se e li tete kaa Yawɛ je e se.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 2:4

Benɛ Yawɛ bɔfo ɔ tu Israel bi ɔmɛ munyu nɛ ɔ, ma a tsuo wo yana.

Samuel I, 14:38

Kɛkɛ nɛ Saul de ma nikɔtɔma amɛ ke, “Nyɛ tsuo nyɛɛ ba hiɛ ɔ nɛ nyɛ ba hyɛ kaa nɔ ko pee yayami mwɔnɛ ɔ lo.