Yoshua 6:6 - BAIBLO ALOO NGMAMI KLƆUKLƆU Ɔ

⁶ Jehanɛ, Nun bi Yoshua tsɛ osɔfo ɔmɛ nɛ e de mɛ ke, “Nyɛ wo somi daka a, nɛ nyɛ ti nihi kpaago nɛ a hɛɛ titimati kɛ nyɛɛ daka a hɛ mi.”

Yoshua 6:6 ပူးပေါင်းရင်းမြစ်များ

Ni Tsumi 9:1

Be nɛ ɔ mi tsuo ɔ, Saulo ya nɔ nɛ e wa Nyɔmtsɛ ɔ se nyɛɛli ɔmɛ yi mi; e woɔ a he gbeye wawɛɛ kaa e ma pue a muɔ si. E ya osɔfo nɔkɔtɔma pe kulaa a ngɔ,

Yoshua 6:8

Lɔ ɔ he ɔ, kaa bɔ nɛ Yoshua fa ma a, hlami ta a hia kɛ́ nyɛɛ osɔfo kpaago ɔmɛ nɛ ngɛ titimati ɔmɛ kpae ɔ a hɛ mi. Osɔfo ɔmɛ nɛ hɛɛ somi daka a nyɛɛ a se, nɛ se ta a gbe nya. Benɛ a yaa a tsuo, titimati ɔmɛ ngɛ pɛe.

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Yoshua 3:3

nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

Mose II, 25:14

Ngɔɔ tso ɔmɛ kɛ hɔ ga amɛ a mi ngɛ daka a he, nɛ́ a pɛtɛ a he kɛ hɛɛ daka a.

Yoshua 6:5

Ke nyɛ nu nɛ a kpa bɛ ɔ nɛ e se kɛ ɔ, Israel ma a tsuo nɛ he ose wawɛɛ. Ke nyɛ pee ja a, Yeriko gbogbo ɔmɛ maa hule pue si tɛtlɛɛ. Kɛkɛ ɔ, nɔ tsuaa nɔ ma bu kɛ sɛ ma a mi.”

Yoshua 6:7

Lɔ ɔ se ɔ, e de mɛ ke, “Nyɛɛ ya nyɛ hɛ mi! Nyɛɛ nyɛɛ kɛ bɔle Yeriko ma a. Nyɛ ha nɛ hlami ta a nɛ sɛ Yawɛ somi daka a hɛ mi.”

Samuel I, 4:3

Benɛ ta buli ɔmɛ kpale a se kɛ ba ma sito he ɔ, Israel ma nimeli ɔmɛ bi ke, “Mɛni he je nɛ Yawɛ ha Filisti bi ɔmɛ gbe wɔ mwɔnɛ ɔ kikɛ nɛ ɔ? Nyɛ ha wa ya ngɔ Yawɛ somi daka a ngɛ Shilo kɛ ba konɛ Yawɛ ba hi wa ngɔ, nɛ e ba kpɔ wɔ kɛ je wa he nyɛli ɔmɛ a dɛ mi.”

Yoshua 24:11

Nyɛ po Yordan pa a, nɛ nyɛ ba Yeriko. Yeriko bi ɔmɛ kɛ nyɛ hwu ta kaa bɔ nɛ Amor, Periz, Kanaan, Hit, Girgash, Hiv, kɛ Yebus bi ɔmɛ tsuo hu kɛ nyɛ hwu ta a. Se i ha nyɛ ye mɛ tsuo a nɔ.