Yoshua 6:5 - BAIBLO ALOO NGMAMI KLƆUKLƆU Ɔ

⁵ Ke nyɛ nu nɛ a kpa bɛ ɔ nɛ e se kɛ ɔ, Israel ma a tsuo nɛ he ose wawɛɛ. Ke nyɛ pee ja a, Yeriko gbogbo ɔmɛ maa hule pue si tɛtlɛɛ. Kɛkɛ ɔ, nɔ tsuaa nɔ ma bu kɛ sɛ ma a mi.”

Yoshua 6:5 ပူးပေါင်းရင်းမြစ်များ

Mose II, 19:19

Benɛ bɛ pɛmi ɔ nya wa a, Mose tu munyu, nɛ Mawu ha lɛ heto kɛ hiɔwe simi.

Yesaya 25:12

Moab mɔ ɔmɛ nɛ a fia gbogbo gojogojoohi ngɔ wo a he ɔ, e maa ku mɛ tsuo ngɔ pue si.

Yesaya 30:25

Ligbi ɔ nɛ a ma kpata nyɛ he nyɛli ɔmɛ a hɛ mi, nɛ a maa ku a mɔ ɔmɛ kɛ pue si ɔ, nyu maa je yo gaga amɛ, kɛ yoku ɔmɛ tsuo a nɔ kɛ be babaaba.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.

Hebribi 11:30

Hemi kɛ yemi nya nɛ Yeriko gbogbo ɔmɛ hule pue si benɛ Israel bi ɔmɛ bɔle ma a ligbi kpaago ɔ.

Yoshua 6:16

Si kpaagone ɔ, benɛ osɔfo ɔmɛ ma bɔni titimati ɔmɛ kpami pɛ nɛ Yoshua fa ma a ke, “Nyɛ he ose, ejakaa Yawɛ ngɔ ma a ngɔ wo nyɛ dɛ!

Yoshua 6:20

Kɛkɛ nɛ osɔfo ɔmɛ bɔni titimati ɔmɛ kpami. Benɛ ma a nu titimati pɛmi ɔ, a he ose wawɛɛ nitsɛ. Kɛkɛ nɛ Yeriko gbogbo ɔ hule pue si. Tabo ɔ tsuo bu kɛ sɛ ma a mi; nɔ tsuaa nɔ nyɛɛ kɛ ya e hɛ mi tɛɛ; nɛ a ya ngɔ ma a.

Yoshua 6:4

Osɔfohi kpaago nɛ a hɛɛ titimati kpaago nɛ a kɛ agbosu koli pee kɛ nyɛɛ somi daka a hɛ mi. Ligbi kpaagone ɔ nɔ ɔ, nyɛɛ bɔle ma a si kpaago, nɛ osɔfo ɔmɛ nɛ a hi titimati ɔmɛ kpae.

Yoshua 6:6

Jehanɛ, Nun bi Yoshua tsɛ osɔfo ɔmɛ nɛ e de mɛ ke, “Nyɛ wo somi daka a, nɛ nyɛ ti nihi kpaago nɛ a hɛɛ titimati kɛ nyɛɛ daka a hɛ mi.”

Manyadali 20:37

Ka woli ɔmɛ hu gbɔ fo esɔesɔ kɛ sɛ Gibea, nɛ a kɛ klaate gbe nɔ tsuaa nɔ nɛ ngɛ ma a mi.

Samuel I, 17:20

David te si mɔtu mla, nɛ e si to ɔmɛ ha to hyɛlɔ kpa, nɛ e ngɔ niye ní ɔ, nɛ e pue nɔ kɛ ho kaa bɔ nɛ Ishai fa lɛ ɔ. E ya su ta nga a nɔ be mi nɛ Israel bi ɔmɛ he ose kɛ je kpo kɛ yaa ta a nya.

Samuel I, 17:52

Israel kɛ Yuda tabo ɔmɛ hwɔ lele kɛ nyɛɛ Filisti bi ɔmɛ a se kɛ ya si Gat kɛ Ekron agbo ɔ nya tɔɔ. Filisti bi ɔmɛ plaa pue si ngɛ Sharaim blɔ ɔ he hluu kɛ ya si Gat kɛ Ekron tɔɔ.

Samuel I, 4:5

Benɛ Yawɛ somi daka a ba su ma sito he ɔ, Israel tsuo hwɔ lele wawɛɛ, nɛ lɔ ɔ ha zugba mimiɛ.