Yoshua 6:4 - BAIBLO ALOO NGMAMI KLƆUKLƆU Ɔ

⁴ Osɔfohi kpaago nɛ a hɛɛ titimati kpaago nɛ a kɛ agbosu koli pee kɛ nyɛɛ somi daka a hɛ mi. Ligbi kpaagone ɔ nɔ ɔ, nyɛɛ bɔle ma a si kpaago, nɛ osɔfo ɔmɛ nɛ a hi titimati ɔmɛ kpae.

Yoshua 6:4 ပူးပေါင်းရင်းမြစ်များ

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Kpojemi 8:2

Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

Kronika II, 20:21

Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

Matsɛmɛ I, 18:43

E de e tsɔlɔ ɔ ke, “Yaa nɛ o ya hyɛ wo mi blɔ ha.” Tsɔlɔ ɔ ya, nɛ e kpale ba de ke, “I nɛ nɔ́ ko”. Eliya de tsɔlɔ ɔ si kpaago sɔuu ke e ya nɛ e ya hyɛ.

Mose III, 14:16

É kɛ e hiɔ nine nguɛ kake nɛ sɔ nu ɔ mi, nɛ é fĩa si kpaago ngɛ Yawɛ hɛ mi.

Kpojemi 15:7

Kɛkɛ nɛ hɛ kali eywiɛ ɔmɛ a ti nɔ kake ha bɔfo kpaago ɔmɛ a ti nɔ tsuaa nɔ sika tsu kplu kake nɛ wai hyi lɛ tɔ. Wai kɛ kplu nɛ ɔ daa si ha Mawu nɛ ngɛ kɛ yaa neneene ɔ mi mi fumi ɔ.

Kpojemi 15:1

Jehanɛ ɔ, i na okadi kpa ngɛ hiɔwe; okadi nɛ ɔ kle nɛ e ngɛ nyakpɛ. I na bɔfohi kpaago nɛ a ní tsumi ji kaa a ngɔ nyagbe haomi kpaago ɔmɛ kɛ ba je ɔ mi. Haomi kpaago nɛ ɔmɛ daa si ha nyagbe tue gblami nɛ Mawu maa ngɔ kɛ ba.

Kpojemi 10:3

nɛ e kpa ngmlaa wawɛɛ kaa jata nɛ ngɛ huãe. Benɛ e pee ja a, hiɔwe wo gbi, nɛ e si si kpaago.

Kpojemi 8:6

Jehanɛ ɔ, bɔfo kpaago ɔmɛ nɛ hɛɛ titimati kpaago ɔmɛ ɔ pee klaalo, konɛ a kpa titimati ɔmɛ.

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

Mose IV, 23:1

Balaam de Balak ke, “Moo puɛ bɔ sami la tɛ kpaago ha mi ngɛ hiɛ ɔ, nɛ o ya hla na ku kpaago, kɛ agbosu kpaago kɛ ba.”

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Kronika II, 20:19

Levi bi nɛ je Kohat, kɛ Kora we puɔ nya amɛ ɔ te da si, nɛ a he ose kɛ je Yawɛ, Israel Mawu ɔ yi.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Mose III, 4:6

É ngɔ e nine nguɛ ngɔ sɔ muɔ ɔ mi, nɛ é fĩa ngɛ tsu mi pomi bo klɔuklɔu ɔ hɛ mi si kpaago.

Mose I, 2:3

E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Yoshua 6:3

O kɛ o ta buli ɔmɛ tsuo nɛ bɔle ma a si kake daa ligbi. Nyɛɛ pee ja ligbi ekpa.

Yoshua 6:5

Ke nyɛ nu nɛ a kpa bɛ ɔ nɛ e se kɛ ɔ, Israel ma a tsuo nɛ he ose wawɛɛ. Ke nyɛ pee ja a, Yeriko gbogbo ɔmɛ maa hule pue si tɛtlɛɛ. Kɛkɛ ɔ, nɔ tsuaa nɔ ma bu kɛ sɛ ma a mi.”

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.