Yoshua 6:24 - BAIBLO ALOO NGMAMI KLƆUKLƆU Ɔ

²⁴ Jehanɛ, a kɛ la sa ma a, kɛ e mi níhi tsuo; se sika hiɔ, sika tsu, akɔblee, kɛ dade níhi lɛɛ a kɛ to Yawɛ we ɔ nito he ɔ.

Yoshua 6:24 ပူးပေါင်းရင်းမြစ်များ

Samuel II, 10:5

Benɛ David nu nɔ́ nɛ ba a; e tsɔ ya de mɛ ke a mlɛ ngɛ Yeriko kɛ yaa si a kpɛni ɔmɛ maa hɛ loko a ba, ejakaa e ngɛ mɛ zo pee kaa a maa kpale kɛ ba bɔ nɛ a ngɛ ɔ.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Mose IV, 31:10

nɛ a kɛ la sã a ma amɛ, kɛ a hi he ɔmɛ tsuo.

Mose V, 13:16

Nyɛ bua ma a mi bi ɔmɛ a níhi nɛ a ngɛ ɔ tsuo a nya glekugleku ngɛ ma nɔ. Jehanɛ, nyɛɛ sã ma a, kɛ nɔ́ tsuaa nɔ́ nɛ ngɛ mi ɔ kaa sami bɔ kɛ ha Yawɛ, nyɛ Mawu ɔ. Ma a nɛ pee ma doku, nɛ e ko bɔ hu gblegbleegble.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 20:16

“Se ke o ngɔ ma amɛ nɛ Yawɛ, o Mawu ɔ ngɔ kɛ ngɛ mo hae ngɛ zugba a nɔ ɔ, gbee a mi nimli ɔmɛ tsuo.

Yoshua 11:11

A kpata nɔ tsuaa nɔ hɛ mi ngɛ lejɛ ɔ; nɔ kake po píɛ. Nɛ a sã Hazor ma a.

Yoshua 6:19

Sika hiɔ, sika tsu, akɔblee, kɛ dade níhi tsuo lɛɛ a hla kɛ to ha Yawɛ, lɔ ɔ he ɔ, a ngɔ kɛ ba Yawɛ nito he ɔ.”

Yoshua 6:25

Yoshua baa Rahab, yo ajuama a, kɛ e weku li ɔmɛ tsuo a yi; ejakaa e ngɔ slaali enyɔ ɔmɛ nɛ Yoshua tsɔ Yeriko ɔ kɛ laa. Rahab nina kɛ Israel bi ɔmɛ ngɛ kɛ ba si mwɔnɛ ɔ.

Yoshua 8:28

Yoshua sã Ai ma a, nɛ e ha e plɛ pee ma doku kɛ ba si mwɔnɛ ɔ.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”