Yoshua 6:23 - BAIBLO ALOO NGMAMI KLƆUKLƆU Ɔ

²³ Kɛkɛ nɛ nihewi ɔmɛ ho nɛ a ya ngɔ Rahab kɛ e tsɛ, kɛ e nyɛ, e nyɛmimɛ ɔmɛ, kɛ e weku li kpa amɛ tsuo kɛ ba. A ha nɛ a kɛ a nyɔguɛ ɔmɛ tsuo ya hi Israel bi ɔmɛ a ma sito he ɔ se.

Yoshua 6:23 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 18:24

Alini, ke dali nyingmi enuɔ ngɛ ma a mi ɔ, anɛ o ma kpata ma a tsuo hɛ mi lo? Anɛ o be a he ngɔe kɛ pa mɛ, bɔ nɛ pee nɛ o he dali nyingmi enuɔ ɔmɛ a yi wami lo?

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Mose IV, 31:19

Jehanɛ, nyɛ nitsɛmɛ hu nyɛ maa hi ma sito he ɔ se ligbi kpaago. Nyɛ ti nɔ tsuaa nɔ nɛ gbe nɔ ko, aloo e ta nɔ ko nɛ gbo ngɛ ta a mi he ɔ, jamɛ a nɔ ɔ nɛ tsukɔ e he ligbi etɛne ɔ, kɛ ligbi kpaagone ɔ, nyɛɛ kɛ nyɛ nyɔguɛ ɔmɛ tsuo.

Ni Tsumi 10:28

Nɛ e de mɛ ke, “Nyɛ nitsɛmɛ nyɛ le kaa Yuda no be he blɔ nɛ e kɛ ma kpa ko mi no bɔɔ, aloo e baa e ngɔ. Se imi lɛɛ Mawu je tsɔɔ mi ke ma ko bu nɔ ko yaka nɔmlɔ, loo nɔ nɛ he tsɔ we.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

1 Korintobi 5:12

Pi ye ní tsumi ji kaa ma kojo nihi nɛ be asafo ɔ mi; Mawu lɛ maa kojo mɛ. Se ni nɛmɛ nɛ ngɛ asafo ɔ mi ɔ, anɛ e sɛ kaa nyɛ kojoɔ mɛɛ lɛɛ lo? Kaa bɔ nɛ ngmami ɔ deɔ ɔ, “Nyɛ je nɔmlɔ yayami ɔ kɛ je nyɛ kpɛti.”

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Yoshua 2:13

Nyɛɛ wo mi si kaa nyɛ ma he ye tsɛ kɛ ye nyɛ, ye nyɛminyumu ɔmɛ, ye nyɛmiyi ɔmɛ, kɛ mɛ tsuo pɛpɛɛpɛ a weku kɛ nina a yi wami, nɛ nyɛ be hae nɛ a gbe wɔ!”

Yoshua 2:16

E de mɛ ke, “Nyɛɛ ya yoku ɔmɛ a nɔ, bɔ nɛ pee nɛ matsɛ tsɔli ɔmɛ kó na nyɛ. Nyɛ ya laa nyɛ he ngɛ lejɛ ɔ ligbi etɛ kɛ yaa si be nɛ a maa kpale a se kɛ ba, loko nyɛ pue blɔ.”

Yoshua 2:18

Ke wa ba su zugba nɛ ɔ nɔ ɔ, fí kpa tsu nɛ ɔ kɛ kpla saflɛ nɛ o kɛ wɔ gu mi kɛ kple si ɔ he. Ha o tsɛ, kɛ o nyɛ, o nyɛmimɛ ɔmɛ, kɛ o tsɛ weku li ɔmɛ tsuo nɛ a ba bua a he nya ngɛ o we ɔ mi hiɛ ɔ.

Manyadali 1:25

Nyumu ɔ tsɔɔ mɛ blɔ nɛ a kɛ yaa ma a mi ɔ, nɛ benɛ a sɛ ma a mi ɔ, a kɛ klaate gbe ma mi bi ɔmɛ tsuo pɛsɛpɛsɛ. Se nyumu ɔ kɛ e weku li lɛɛ a tɛ a he.