Yoshua 6:22 - BAIBLO ALOO NGMAMI KLƆUKLƆU Ɔ

²² Lɔ ɔ se ɔ, Yoshua de nihewi enyɔ nɛ ya slaa zugba a ke, “Nyɛɛ ya yo ajuama a we ɔ mi nɛ nyɛ ya ngɔ lɛ, kɛ e weku li nɛ ngɛ lejɛ ɔ kɛ ba kaa bɔ nɛ nyɛ ka lɛ kita a.”

Yoshua 6:22 ပူးပေါင်းရင်းမြစ်များ

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Yoshua 6:17

Nyɛ kpata ma a kɛ e mi nɔ́ tsuaa nɔ́ hɛ mi ha Yawɛ; Rahab, yo ajuama a, kɛ nɔ tsuaa nɔ nɛ kɛ lɛ ngɛ e we ɔ mi ɔ, mɛ pɛ a yi nɛ na wami; ejakaa e ngɔ slaali ɔmɛ nɛ wa tsɔ ɔ kɛ laa.

Ezekiel 17:16

Nyɔmtsɛ Yawɛ ke, “I ngɛ ye he kita kae ke Yuda matsɛ nɛ ɔ ma gbo ngɛ Babilonia, akɛnɛ somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ ɔ. (Babilonia matsɛ ɔ lɛ wo Yuda matsɛ ɔ tsɛ).

Ezekiel 17:13

E ngɔ matsɛ ɔ bi ko, nɛ e kɛ lɛ so; e ha e ka lɛ kita ke e maa ye lɛ anɔkuale. Kɛkɛ nɛ e ngɔ zugba a nɔ nihi nɛ a buu mɛ ɔ kɛ ho,

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Samuel II, 21:7

Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Yoshua 9:15

Yoshua he Gibeon bi ɔmɛ atuu, nɛ e kɛ mɛ so kaa a be mɛ gbee. Kɛkɛ nɛ Israel ma nimeli ɔmɛ hu ka kita ngɔ fɔ nɔ.

Yoshua 6:23

Kɛkɛ nɛ nihewi ɔmɛ ho nɛ a ya ngɔ Rahab kɛ e tsɛ, kɛ e nyɛ, e nyɛmimɛ ɔmɛ, kɛ e weku li kpa amɛ tsuo kɛ ba. A ha nɛ a kɛ a nyɔguɛ ɔmɛ tsuo ya hi Israel bi ɔmɛ a ma sito he ɔ se.

Manyadali 1:25

Nyumu ɔ tsɔɔ mɛ blɔ nɛ a kɛ yaa ma a mi ɔ, nɛ benɛ a sɛ ma a mi ɔ, a kɛ klaate gbe ma mi bi ɔmɛ tsuo pɛsɛpɛsɛ. Se nyumu ɔ kɛ e weku li lɛɛ a tɛ a he.