Yoshua 6:21 - BAIBLO ALOO NGMAMI KLƆUKLƆU Ɔ

²¹ A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.

Yoshua 6:21 ပူးပေါင်းရင်းမြစ်များ

Yeremia 48:18

Nyɛ Moab bi, nyɛ je nyɛ hɛ mi nyami ɔ ngɔ fɔ si; nyɛ ba hi si ngɛ zia mi ngɛ zugba. Moab he nyɛli ɔmɛ ma ba tua nyɛ hulɔ, nɛ a ma kpata nyɛ mɔ ɔmɛ a hɛ mi.

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Matsɛmɛ I, 20:42

Gbalɔ ɔ de matsɛ ɔ ke, “Bɔ nɛ Yawɛ de ji nɛ ɔ nɛ: ‘Akɛnɛ o ngmɛɛ nɔmlɔ nɛ i fa mo ke o gbe lɛ ɔ he he je ɔ, o maa ngɔ o he kɛ dani lɛ. Jehanɛ, a ma kpata o ta buli ɔmɛ a hɛ mi, ejakaa mɛ hu a ngmɛ blɔ nɛ Benhadad ta buli ɔmɛ tu fo.’ ”

Samuel I, 15:8

Saul nu Amalek matsɛ, Agag hɛ ngmengmle; se ma a lɛɛ e kpata nɔ tsuaa nɔ hɛ mi.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Yoshua 11:14

Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Yoshua 10:39

E ngɔ ma a, matsɛ ɔ, kɛ kɔpehi nɛ bɔle ma a. A gbe nɔ tsuaa nɔ, nɛ nɔ kake po píɛ. Bɔ nɛ Yoshua pee Hebron, kɛ Libna, kɛ a matsɛmɛ ɔmɛ ɔ, ja nɔuu e pee Debir, kɛ Debir matsɛ ɔ.

Yoshua 10:28

Yoshua ye Makeda nɔ kunimi jamɛ a ligbi ɔ. E gbe ma a mi bi ɔmɛ, kɛ a matsɛ ɔ; e kpata nɔ tsuaa nɔ hɛ mi, nɛ nɔ kake po píɛ. Bɔ nɛ e pee Yeriko matsɛ ɔ, jã pɛpɛɛpɛ e pee Makeda matsɛ ɔ.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 2:34

Jamɛ a be ɔ mi nɔuu nɛ wa ngɔ e ma amɛ tsuo, nɛ wa kpata mɛ tsuo pɛpɛɛpɛ a hɛ mi. Wa gbe nɔ tsuaa nɔ, nyumuhi, yihi, kɛ jokuɛwi tsuo; wa si we nɔ kake po.

Mose V, 13:16

Nyɛ bua ma a mi bi ɔmɛ a níhi nɛ a ngɛ ɔ tsuo a nya glekugleku ngɛ ma nɔ. Jehanɛ, nyɛɛ sã ma a, kɛ nɔ́ tsuaa nɔ́ nɛ ngɛ mi ɔ kaa sami bɔ kɛ ha Yawɛ, nyɛ Mawu ɔ. Ma a nɛ pee ma doku, nɛ e ko bɔ hu gblegbleegble.

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:22

Israel bi kpa amɛ nɛ sɛ Ai ma a mi ɔ hu ba piɛ a nyɛmimɛ ɔmɛ a he kɛ sá Ai bi ɔmɛ a yi. A gbe Ai bi ɔmɛ tsuo pɛpɛɛpɛ. A ti nɔ kake po na we blɔ nɛ e tu fo kɛ je; nɔ ko nɔ ko yi na we wami.

Yoshua 9:3

Se benɛ Gibeon bi ɔmɛ nɛ ji Hiv bi ɔmɛ nu bɔ nɛ Yoshua pee Yeriko kɛ Ai ma amɛ ɔ,

Yoshua 11:11

A kpata nɔ tsuaa nɔ hɛ mi ngɛ lejɛ ɔ; nɔ kake po píɛ. Nɛ a sã Hazor ma a.