Yoshua 6:18 - BAIBLO ALOO NGMAMI KLƆUKLƆU Ɔ

¹⁸ Nyɛɛ yu nyɛ he kɛ je níhi nɛ a ma kpata a hɛ mi ɔ a he, bɔ nɛ pee nɛ nyɛ hɛ ko ba kɔ a nɔ, nɛ nyɛ ba ngɔ eko. Ke nyɛ pee ja a, nyɛɛ kɛ haomi, kɛ hɛ mi kpatami maa ba Israel tsuo nɔ.

Yoshua 6:18 ပူးပေါင်းရင်းမြစ်များ

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Fiɛlɔ 9:18

Nile hi pe ta hwumi níhi. Se yayami peelɔ kake kpataa ní kpakpahi babauu a hɛ mi.

Yona 1:12

Yona he nɔ ke, “Nyɛ sake mi ngɔ fɔ wo ɔ mi, kɛkɛ wo ɔ he maa jɔ ha nyɛ; ejakaa i le kaa ye tɔmi he nɛ wo kɔɔhiɔ nɛ nya wa nɛ ɔ ngɛ nyɛ haoe ɔ nɛ.”

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 23:10

Ke nyumu ko ngɛ nyɛ kpɛti nɛ e he nyu be ngɛ e he nyɔ mi ngɛ e sa mi, nɛ lɔ ɔ he ɔ, e he tsɔ we ɔ, é ya ta sito he ɔ se, nɛ e hi lejɛ ɔ.

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Yoshua 7:15

Nɔ nɛ a maa na musu ní ɔmɛ ngɛ e dɛ ɔ, a kɛ la maa sã lɛ, kɛ e weku li, kɛ e nɔ́ tsuaa nɔ́. Ejakaa e tsu zo ní ngɛ Israel, nɛ imi Yawɛ, ye somi ɔ hu e yi nɔ.”

Yoshua 7:25

Jehanɛ Yoshua bi Akan ke, “Mɛni he je o hao wɔ kikɛ nɛ ɔ? Mwɔnɛ nɛ ɔ, Yawɛ hu maa hao mo!” Kɛkɛ nɛ Israel ma a tsuo fia Akan tɛ nɛ e gbo; a fia e weku li ɔmɛ hu tɛ, nɛ a kɛ la sã lɛ, kɛ e weku li, kɛ e nɔ́ tsuaa nɔ́.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

Samuel I, 15:9

Saul kɛ e we bi ɔmɛ baa Agag yi, nɛ na kɛ na bi, jijɔ kɛ jijɔ bi kpakpa amɛ, kɛ nɔ́ tsuaa nɔ́ nɛ hi ɔ, a kpataa we a hɛ mi; se níhi nɛ a hiee, kɛ níhi nɛ a he be se nami ɔ lɛɛ a kpata lɛ tsuo pɛpɛɛpɛ hɛ mi.