Yoshua 6:17 - BAIBLO ALOO NGMAMI KLƆUKLƆU Ɔ

¹⁷ Nyɛ kpata ma a kɛ e mi nɔ́ tsuaa nɔ́ hɛ mi ha Yawɛ; Rahab, yo ajuama a, kɛ nɔ tsuaa nɔ nɛ kɛ lɛ ngɛ e we ɔ mi ɔ, mɛ pɛ a yi nɛ na wami; ejakaa e ngɔ slaali ɔmɛ nɛ wa tsɔ ɔ kɛ laa.

Yoshua 6:17 ပူးပေါင်းရင်းမြစ်များ

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Ezra 10:8

Ligbi etɛ se, ke nɔ ko bɛ́ kaa bɔ nɛ ma tsɔli ɔmɛ, kɛ ma nimeli ɔmɛ fa ke a pee ɔ, á kpɔ e níhi tsuo ngɛ e dɛ; lɛ nitsɛ lɛɛ a ko bu lɛ ngɔ si e ma mi bi ɔmɛ a nɔ hu.

Yesaya 34:6

E klaate ɔ he maa pee kɛ muɔ kɛ zɔ kaa jijɔhi, kɛ akpakpohi a muɔ kɛ zɔ nɛ a kɛ ngɛ bɔ sãe. Yawɛ maa sã bɔ nɛ ɔ ngɛ Bozra ma a mi; e ma pue a muɔ si nyamaa ngɛ Edom zugba a nɔ.

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

Ezekiel 39:17

Nyɔmtsɛ Yawɛ de mi ke, “Nɔmlɔ adesa, tsɛ lohwe pɛlitsɛmɛ ɔmɛ, kɛ lohwe nane eywiɛɛywiɛtsɛmɛ ɔmɛ kɛ je he tsuaa he nɛ a ngɛ ɔ kɛ ba nɛ a ba ye ní. Ma sã bɔ nguaa ko ngɛ Israel yo ɔmɛ a nɔ ha mɛ, konɛ a ye lo, nɛ a nu muɔ.

Mose III, 27:21

Se ke a ngmɛɛ zugba a he ngɛ Heyemi jeha kpa a mi ɔ, e peeɔ klɔuklɔu ha Yawɛ kaa zugba nɛ a gbaa nɔ kɛ ke; zugba nɛ ɔ maa pee osɔfo ɔmɛ a nɔ́ kulaa.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Galatabi 3:12

Se mlaa a kɔ we hemi kɛ yemi he; ejakaa a ngma ke, “Nɔ tsuaa nɔ nɛ yeɔ mlaa a nɔ sisiisi ɔ yi ma na wami ngɛ mlaa a nya.”

Mose V, 20:17

Mo kpata ni ɔmɛ tsuo a hɛ mi pɛsɛpɛsɛ kaa bɔ nɛ Yawɛ, o Mawu ɔ fa mo ke o pee ɔ; mɛ ji Hit bi, Amor bi, Kanaan bi, Periz bi, Hiv bi, kɛ Yebus bi.

Hebribi 11:31

Hemi kɛ yemi lɛ ha nɛ Rahab, yaholɔ ɔ gbo we kɛ piɛ we tue gboli nɛ a kpata a hɛ mi ɔ a he, ejakaa nihi nɛ ya slaa zugba a, e he mɛ kɛ bua jɔmi.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Yakobo 2:25

Yo ajuama a nɛ a tsɛɛ lɛ Rahab ɔ, lɛ hu ja nɔuu. Mawu da nɔ́ nɛ e pee ɔ nɔ kɛ bu lɛ dalɔ. Israel bi ɔmɛ nɛ a tsɔ kɛ ya slaa zugba a nigii ɔ, Rahab he mɛ atuu; nɛ lɔ ɔ se ɔ, e tsɔɔ mɛ blɔ, nɛ a gu he kpa kɛ je slɔkee.

Yoshua 2:1

Nun bi Yoshua tsɔ slaali enyɔ kɛ je Shitim nigii; nɛ e fa mɛ ke, “Nyɛ ya slaa Kanaan zugba a saminya, titli ɔ Yeriko.” Benɛ slaali ɔmɛ ya su ma a mi ɔ, a ya to yo ajuama ko nɛ a tsɛɛ lɛ Rahab ɔ we mi.

Yoshua 2:22

Slaali ɔmɛ pue nɔ kɛ ho yoku ɔmɛ a nɔ ya ya laa a he. Matsɛ ɔ tsɔli ɔmɛ ya hla mɛ kɛ kpa yoku ɔmɛ a nɔ ligbi etɛ, se a nɛ mɛ. Kɛkɛ nɛ a kpale kɛ ba Yeriko ekohu. A hla slaali ɔmɛ ngɛ blɔ ɔ nɔ tsuo, se a nɛ mɛ.

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Samuel I, 15:6

Saul tsɔ ya de Ken bi ɔmɛ nɛ ji ni komɛ nɛ a nɛmɛ na Israel bi ɔmɛ mɔbɔ benɛ a je Egipt kɛ ma a ke, “Nyɛɛ je Amalek bi ɔmɛ a kpɛti, konɛ ma ko kpata nyɛɛ kɛ mɛ tsuo nyɛ hɛ mi.” Kɛkɛ nɛ Ken bi ɔmɛ je Amalek bi ɔmɛ a he.