Yoshua 5:4 - BAIBLO ALOO NGMAMI KLƆUKLƆU Ɔ

^4-6 Benɛ Israel bi ɔmɛ je Egipt ɔ, a po nyumu ɔmɛ tsuo momo. Se jeha nyingmi eywiɛ ɔ nɛ ma a nyɛɛ nga kplanaa a nɔ ɔ, binyumuwi nɛ a fɔ jamɛ a be ɔ mi ɔ, mɛɛ a pui mɛ lolo. Jehanɛ hu, ta buli nɛ a kɛ je Egipt ɔ, mɛ tsuo a hɛ mi kpata ngɛ blɔ ɔ nɔ; ejakaa a bui Yawɛ gbi tue. Lɔ ɔ he ɔ, kaa bɔ nɛ Yawɛ ka kita a, e ha we nɛ a na zugba kpakpa nɛ baa ní ɔ nɛ e wo a nɛmɛ ɔmɛ si ke e ma ha mɛ ɔ.

Yoshua 5:4 ပူးပေါင်းရင်းမြစ်များ

1 Korintobi 10:5

Se enɛ ɔ tsuo se ɔ, Mawu na we a ti nihi fuu a he tsui. Lɔ ɔ he ɔ, a kpata a hɛ mi ngɛ nga a nɔ.

Mose V, 2:16

“Benɛ ta buli ɔmɛ tsuo a hɛ mi kpata se ɔ,

Mose V, 2:14

Be nɛ e ngɔ wɔ kɛ nyɛɛ kɛ je Kadesh Barnea kɛ ba su be nɛ wa po Zered pa a pee jeha nyingmi etɛ kɛ kpaanyɔ. Jamɛ a yi nɔ bi ta buli ɔmɛ tsuo pɛpɛɛpɛ gbo kaa bɔ nɛ Yawɛ ka mɛ kita a.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Yoshua 5:3

Kɛkɛ nɛ Yoshua pee tɛ hahi, nɛ e kɛ po Israel bi ɔmɛ ngɛ Gibeat Haaralot nɛ sisi ji “Nɔ Pomi Yoku ɔ”.