Yoshua 5:2 - BAIBLO ALOO NGMAMI KLƆUKLƆU Ɔ

² Pee se ɔ, Yawɛ de Yoshua ke, “Ngɔɔ tɛ nɛ o kɛ pee ha, nɛ o po Israel bi ɔmɛ si enyɔne.”

Yoshua 5:2 ပူးပေါင်းရင်းမြစ်များ

Mose II, 4:25

Kɛkɛ nɛ Zipora ngɔ ha nɛ a kɛ tɛ pee, nɛ e kɛ po e binyumu ɔ, nɛ e ngɔ mɔmlɔtɔ ɔ kɛ sa Mose nanehi a he, nɛ e de ke, “Niinɛ, ye muɔ huno ji mo!” Nɛ Yawɛ ha Mose yi na wami. Blɔɔ nɔ pomi kusumi ɔ he nɛ Zipora de ke, “Ye muɔ huno ji mo” ɔ nɛ.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Mose V, 10:16

Lɔ ɔ he ɔ, kɛ je mwɔnɛ ɔ kɛ yaa a, nyɛɛ bu Yawɛ tue, nɛ nyɛ ko wa tue hu.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

Yoshua 5:3

Kɛkɛ nɛ Yoshua pee tɛ hahi, nɛ e kɛ po Israel bi ɔmɛ ngɛ Gibeat Haaralot nɛ sisi ji “Nɔ Pomi Yoku ɔ”.