Yoshua 5:14 - BAIBLO ALOO NGMAMI KLƆUKLƆU Ɔ

¹⁴ Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Yoshua 5:14 ပူးပေါင်းရင်းမြစ်များ

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Samuel II, 7:19

Se Nyɔmtsɛ Yawɛ, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si hu kaa o tsɔlɔ ɔ nina maa hiɛ babauu hwɔɔ se. Nyɔmtsɛ Yawɛ, o je nɔ́ nɛ ɔ ngɔ tsɔɔ nɔmlɔ adesa!

Samuel II, 7:20

Lɛɛ mɛni pa ngɛ imi David, ye nya nɛ ma de mo? Nyɔmtsɛ Yawɛ, o le imi o tsɔlɔ ɔ saminya!

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 24:10

Mɛnɔ ji kikɛmɛ a matsɛ ngua nɛ ɔ? Yawɛ Tabohiatsɛ ɔ, lɛ tutuutu ji matsɛ ngua a nɛ!

Mose II, 4:10

Se Mose de Yawɛ ke, “Ye Nyɔmtsɛ, ye nya mi tsɔ we kɛ je sá, nɛ kɛ je be nɛ o kɛ imi, o tsɔlɔ ɔ bɔni munyu tumi nɛ ɔ hu tsakemi ko bɛ; ye munyu tumi ngɛ blɛuu, nɛ ye lilɛ hu jiɔ.”

Mose II, 4:13

Se Mose ke, “Ye Nyɔmtsɛ, i kpa mo pɛɛ nɛ o tsɔ nɔ kpa.”

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 6:8

Jehanɛ, i nu nɛ Nyɔmtsɛ ɔ bi ke, “Mɛnɔ ma tsɔ? Mɛnɔ maa ya?” I he nɔ ke, “I ngɛ hiɛ ɔ, Moo tsɔ mi!”

Ezekiel 3:23

Kɛkɛ nɛ i pue nɔ kɛ ho kɔ̃ ɔ mi ya. Lejɛ ɔ lɛ i na Yawɛ hɛ mi nyami ɔ kaa bɔ nɛ i na lɛ ngɛ Kebar pa a nya a. I ngɔ ye hɛ mi ngɔ bu zugba.

Daniel 10:13

Ganɔ ɔ nɛ buu Persia nɔ yemi ɔ he ɔ tsi mi blɔ ligbi nyingmi enyɔ kɛ kake. Se Mikael, nɛ ji ganɔ nikɔtɔma amɛ a ti nɔ kake ɔ ba piɛ ye he; ejakaa imi nɔ kake too pɛ a si ngɛ Persia matsɛ ɔ he.

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 16:45

“Nyɛɛ hɛ nyɛ kɛ je ma nɛ ɔ he kɛ ya se nɛ ma kpata a hɛ mi ngɛ hɛngmɛfia mi!” Se Mose kɛ Aaron kpla si nɛ a ngɔ a hɛ mi kɛ bu si,

Mose IV, 22:31

Jehanɛ ɔ, Yawɛ bli Balaam hɛngmɛ, nɛ e na Yawɛ bɔfo ɔ nɛ hɛɛ klaate kɛ daa si ngɛ blɔ ɔ mi. Kɛkɛ nɛ Balaam ma e yi si, nɛ e kɛ e hɛ mi bu si.

Mateo 22:44

‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Mateo 8:2

Tlukaa a, nyumu ko nɛ ngɛ he womi nɔ hiɔ yaya nue ba e ngɔ ba kpla si ngɛ e hɛ mi, nɛ e de lɛ ke, “Nyɔmtsɛ, ke o suɔ kaa ye he nɛ tsɔ ɔ, o ma nyɛ pee!”

Luka 1:43

Kɛ ba lɛ kɛɛ nɛ a ha mi he blɔ nguaa nɛ ɔ, kaa ye Nyɔmtsɛ ɔ nyɛ ma ba slaa mi?

Luka 20:42

Ejakaa David nitsɛ de ngɛ La Womi ɔ mi ke, ‘Nyɔmtsɛ ɔ de ye Nyɔmtsɛ ɔ ke, Hii si ngɛ ye hiɔ nɔ

Luka 5:12

Be ko ɔ, Yesu ya je ma ko mi, nɛ nyumu ko nɛ he womi nɔ hiɔ yaya ngɛ e he hu ngɛ lejɛ ɔ. Benɛ e na Yesu ɔ, e kpla si, nɛ e kɛ e hɛ mi bu si, nɛ e kpa lɛ pɛɛ ke, “Nyɔmtsɛ, ke o suɔ ɔ, o ma nyɛ ha ye he nɛ tsɔ.”

Yohane 20:28

Toma he nɔ ke, “Ye Nyɔmtsɛ! Ye Mawu!”

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

Yoshua 20:1

Enɛ ɔ se ɔ, Yawɛ de Yoshua ke

Kpojemi 12:7

Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.