Yoshua 5:1 - BAIBLO ALOO NGMAMI KLƆUKLƆU Ɔ

¹ Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Yoshua 5:1 ပူးပေါင်းရင်းမြစ်များ

Mose I, 12:6

Abram nyɛɛ kɛ be ngɛ zugba a nɔ kɛ ya su tso ngua a nɛ ngɛ More ngɛ Shekem ɔ he. Jamɛ a be ɔ mi ɔ, Kanaan bi ɔmɛ ngɛ zugba a nɔ kɛ mwɔɔ.

Mose I, 48:22

I ngɔ Shekem, zugba nɛ baa ní saminya a kɛ ngɛ mo hae, se pi o nyɛmimɛ ɔmɛ. Klaate kɛ kɛ̃ɛ̃ i kɛ kpɔ zugba nɛ ɔ ngɛ Amor bi ɔmɛ a dɛ.”

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Matsɛmɛ I, 10:5

Jehanɛ se hu, manyɛ ɔ na niye ní nɛ a kɛ to okplɔɔ ha matsɛ ɔ; e na matsɛ tsɔli nikɔtɔma amɛ nɛ a hii si kɛ bɔle matsɛ ɔ; e na matsɛ sɔmɔli ɔmɛ nɛ a pueɔ si kɛ a he tadehi; e na matsɛ ɔ dã woli, kɛ sami bɔhi nɛ e sãã ngɛ Yawɛ we ɔ. Benɛ Sheba manyɛ ɔ na ní ɔmɛ tsuo ɔ, e he mi po,

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

La 135:11

Sihon, Amor bi a matsɛ ɔ, Og, Bashan matsɛ ɔ, kɛ Kanaan matsɛmɛ ɔmɛ tsuo;

Mose II, 23:28

Ma ha nɛ adodongmatsihi maa nyɛɛ o hɛ mi, nɛ a maa fie Hiv bi, Kanaan bi, kɛ Hit bi ɔmɛ kɛ je o blɔ ɔ nɔ.

Yesaya 41:5

“Nihi nɛ a ngɛ wo nya ma amɛ a mi ɔ na nɔ́ nɛ i tsu ɔ, nɛ a ye gbeye; je ɔ tsuo mimiɛ. Lɔ ɔ he ɔ, mɛ tsuo a bua a he nya nɛ a ba.

Ezekiel 16:3

De Yerusalem ke bɔ nɛ Nyɔmtsɛ Yawɛ ngɛ lɛ dee ji nɛ ɔ nɛ: “Kanaan zugba a nɔ o je; lejɛ ɔ a fɔ mo ngɛ. Amor no ji o tsɛ, nɛ o nyɛ lɛɛ Hit no ji lɛ.

Ezekiel 21:7

Ke a bi mo nɔ́ nɛ ngɛ mo pee loko o ngɛ kɛmɛe kɛ aywilɛho wawɛɛ kikɛ nɛ ɔ, de mɛ ke sane nɛ ma a nya wa tsɔ. Nɔ tsuaa nɔ tsui maa po; nɔ tsuaa nɔ nine mi maa je wu; nɔ tsuaa nɔ maa pee vii ngɛ e mi; nɛ nakutso tsuaa nakutso mi maa jɔ kaa nyu. Be ɔ ma, e su ta, nɛ e maa ba mi amlɔ nɔuu.” Nyɔmtsɛ Yawɛ lɛ de.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Yoshua 17:12

Manase bi ɔmɛ nyɛ we nɛ a fie ni ɔmɛ nɛ a ngɔ ma nɛ ɔmɛ; lɔ ɔ he ɔ, Kanaan bi ɔmɛ hi lejɛ ɔ.

Yoshua 17:18

Yo nɔ zugba a maa pee nyɛ nɔ́. Akɛnɛ hue ngɛ lejɛ ɔ he je ɔ, nyɛɛ gba hue ɔ, nɛ nyɛɛ ngɔ, kɛ zugba nɛ tsa nɔ kɛ yaa a tsuo. E ngɛ mi kaa Kanaan bi ɔmɛ ngɛ dade ta zugba lɛhi nɛ a he wa mohu, se nyɛ maa fie mɛ kɛ̃.”

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Kpojemi 18:10

A maa da si ngɛ se lokoo, ejakaa a maa ye gbeye kaa a maa gbla a kɛ Babilon tsuo a tue. A ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Ngmlɛfia kake too mi ɔ, hyɛ bɔ nɛ gbla o tue ha!”

Manyadali 1:1

Yoshua gbenɔ se ɔ, Israel bi ɔmɛ bi Yawɛ ke, “Wa kpɛti mɛnɔmɛ ma ya tua Kanaan bi ɔmɛ kekleekle?”

Manyadali 11:23

Yawɛ, Israel Mawu ɔ nitsɛ lɛ fie Amor bi ɔmɛ kɛ je a zugba a nɔ, nɛ e ngɔ zugba a ngɔ ha e ma Israel. Nɛ moo o ngɛ hlae nɛ o ngɔ lo?

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Manyadali 4:2

Lɔ ɔ he ɔ, Yawɛ ngɔ mɛ kɛ wo Kanaan matsɛ, Yabin nɛ ye matsɛ ngɛ Hazor ma a mi ɔ dɛ mi. E tatsɛ ji Sisera, nɛ lɛɛ e hi Haroshet ngɛ ma je li ɔmɛ a zugba a nɔ.

Samuel I, 25:37

Mɔtu benɛ dã a je Nabal hɛ mi ɔ, e yo ɔ gba lɛ nɔ́ tsuaa nɔ́ nɛ ya nɔ. Kɛkɛ nɛ Nabal tsui kpa tsɔ, nɛ e hule pue si.