Yoshua 4:9 - BAIBLO ALOO NGMAMI KLƆUKLƆU Ɔ

⁹ Jehanɛ, Yoshua hu kɛ tɛ nyɔngma kɛ enyɔ ɔmɛ ma si ngɛ Yordan pa a mi, he nɛ osɔfo ɔmɛ nɛ tloo somi daka a da si ngɛ ɔ. (Tɛ nɛ ɔmɛ ngɛ pa a mi ngɛ lejɛ ɔ kɛ mwɔɔ.)

Yoshua 4:9 ပူးပေါင်းရင်းမြစ်များ

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”

Kronika II, 5:9

Tso ɔmɛ ka gagaa bɔ nɛ ke nɔ ko daa si ngɛ he klɔuklɔu pe kulaa a hɛ mi ɔ, e maa na a nya amɛ nɛ je kpo; se a nya amɛ ji kpo ngɛ kpo nɔ je. Tso ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Samuel II, 4:3

Beerot bi ɔmɛ nitsɛ lɛɛ a tu fo kɛ ya dumɔ Gitaim, nɛ a tlɔ lejɛ ɔ kɛ ba si mwɔnɛ ɔ.)

Samuel I, 30:25

David pee nɔ́ nɛ ɔ mlaa, nɛ a ngɛ nɔ yee ngɛ Israel kɛ je jamɛ a be ɔ kɛ ba si mwɔnɛ ɔ.

Manyadali 1:26

Pee se ɔ, nyumu ɔ je kɛ ho Hit bi ɔmɛ a zugba a nɔ ya, nɛ e ya po ma ngɛ lejɛ ɔ. E wo ma a biɛ ke Luz; nɛ jã ji e biɛ kɛ ba si mwɔnɛ ligbi nɛ ɔ.

Yoshua 24:26

Yoshua ngma mlaa nɛ ɔmɛ kɛ wo Mawu mlaa womi ɔ mi. Lɔ ɔ se ɔ, e ngɔ tɛ agbo ko ngɔ ma tso ngua a sisi ngɛ Yawɛ he klɔuklɔu ɔ.

Mose V, 34:6

Yawɛ pu lɛ ngɛ kɔ̃ ko mi, ngɛ Moab zugba a nɔ, ngɛ Betpeor ma a hanɔ; se nɔ ko nɔ ko li he tutuutu nɛ a pu lɛ ngɛ kɛ ba si mwɔnɛ ɔ.

Mose II, 28:21

Tɛ ɔmɛ tsuo nɛ a pee nyɔngma kɛ enyɔ; nɛ Yakob binyumu ɔmɛ a biɛhi nɛ hi a nɔ kakaaka. Wɛtso nyɔngma kɛ enyɔ ɔmɛ ɔ, a kpɛ́ eko tsuaa eko biɛ ngɛ tɛ kake nɔ kaa bɔ nɛ a ngmaa ní ngɛ nguɛ ga nɔ ɔ.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose I, 28:18

Yakob te si mɔtu kpla, nɛ e ngɔ tɛ ɔ nɛ e tslɔ ɔ ngɔ ma si kaa kaimi titima. Lɔ ɔ se ɔ, e plɛ nu ngɔ pue nɔ, nɛ e kɛ pee tɛ ɔ klɔuklɔu ha Mawu.

Mose I, 26:33

Isak wo vu ɔ biɛ ke “Sheba.” Bɔ nɛ ba nɛ Beersheba ma a na e biɛ ji nɛ ɔ nɛ.

Mateo 28:15

Lɔ ɔ he ɔ, sane nɛ ɔ mohu ba pee nɔ́ nɛ a ngɛ sɛɛe ha Yuda bi ɔmɛ kɛ ba su mwɔnɛ ɔ.

Mateo 27:8

Enɛ ɔ he je ɔ, kɛ ba si mwɔnɛ ɔ, biɛ nɛ a kɛ tsɛɔ jamɛ a abɔɔ ɔ ji “Muɔ Abɔɔ.”

Matsɛmɛ I, 18:31

E ngɔ tɛ nyɔngma kɛ enyɔ ngɛ Yakob nɛ Yawɛ wo lɛ biɛ ke Israel ɔ binyumuhi nyɔngma kɛ enyɔ ɔmɛ a wɛtso ɔmɛ a nya.

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.