Yoshua 4:7 - BAIBLO ALOO NGMAMI KLƆUKLƆU Ɔ

⁷ nyɛ de mɛ ke, ‘Benɛ a kɛ Yawɛ somi daka a po Yordan pa a, nyu ɔ se po.’ Tɛ nɛ ɔmɛ ma kai Israel ma a daa nɛ nɔ́ nɛ Mawu tsu ha mɛ ngɛ hiɛ ɔ.”

Yoshua 4:7 ပူးပေါင်းရင်းမြစ်များ

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

La 111:4

Yawɛ haa nɛ a kaiɔ e nyakpɛ ní tsumi ɔmɛ. E mi mi jɔ, nɛ e naa mɔbɔ.

Mose IV, 16:40

kaa bɔ nɛ Yawɛ fa Eleazar kɛ gu Mose nɔ ke e pee ɔ. Nɔ́ nɛ ɔ ba pee kɔkɔ bɔmi nɔ́ ko kɛ ha Israel bi ɔmɛ, kaa nɔ ko nɛ pi osɔfo ji lɛ, nɛ e pi Aaron weku ɔ mi no hulɔ ɔ, e be he blɔ nɛ e sãã tsopa kɛ e he via ngɛ bɔ sami la tɛ ɔ nɔ kɛ haa Yawɛ. Ke nɔ ko pee ja a, a ma kpata e hɛ mi kaa bɔ nɛ a pee Kora kɛ e se nyɛɛli ɔmɛ ɔ.

Mose II, 28:12

Jehanɛ, moo fi tɛ ɔmɛ kɛ wo efɔd ɔ konɔ kpa amɛ a he, konɛ a pee tɛhi nɛ a kɛ ma kai Yakob binyumu ɔmɛ; Aaron ma kpla biɛ ɔmɛ ngɛ e konɔ enyɔ ɔmɛ, bɔ nɛ pee nɛ imi Yawɛ, ma kai ye ma a daa.

1 Korintobi 11:24

nɛ e na Mawu si, nɛ e ku mi, nɛ e de ke, “Enɛ ɔ ji ye nɔmlɔ tso nɛ a ku ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Yoshua 4:6

Tɛ nɛ ɔmɛ maa pee kaimi nɔ́ ha nyɛ. Ke nyɛ bimɛ bi nyɛ hwɔɔ se ko ke, ‘Mɛni tɛ nɛ ɔmɛ tsɔɔ ɔ,’

Mose II, 30:16

Mo he sika nɛ ɔ ngɛ Israel bi ɔmɛ a dɛ, nɛ o kɛ wo kpe he bo tsu ɔ sɔmɔmi kpɛɛ ɔ mi. Tó nɛ ɔ maa pee nɔ́ nɛ a kɛ ma kpɔ a klaa, konɛ imi Yawɛ, ma kai nɛ ma bu a he.”

Mose IV, 17:5

Nɔ nɛ ma hla a, e tso ɔ ma tsɛ̃ mɔmɔ; nɛ nɔ́ nɛ ɔ ma ha nɛ munyu huitihuiti nɛ Israel bi ɔmɛ tuɔ kɛ siɔ nyɛ ngɛ ye he ɔ se maa po.”

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.