Yoshua 4:6 - BAIBLO ALOO NGMAMI KLƆUKLƆU Ɔ

⁶ Tɛ nɛ ɔmɛ maa pee kaimi nɔ́ ha nyɛ. Ke nyɛ bimɛ bi nyɛ hwɔɔ se ko ke, ‘Mɛni tɛ nɛ ɔmɛ tsɔɔ ɔ,’

Yoshua 4:6 ပူးပေါင်းရင်းမြစ်များ

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Yoshua 4:21

Kɛkɛ nɛ e de Israel ma a ke, “Hwɔɔ se ko ke nyɛ bimɛ bi nyɛ ke kɛ ji tɛ nɛ ɔmɛ a sisi tsɔɔmi kɛɛ ɔ,

La 44:1

Mawu lee, wa nɛmɛ ɔmɛ sɛɛ ha wɔ; nɛ wɔ nitsɛmɛ hu wa nu kɛ wa tue. A gba wɔ ke blema a, o tsu ní nguanguahi ha mɛ.

Yoshua 22:27

se mohu kaa okadi ko kɛ ha waa kɛ nyɛ, kɛ yi nɔhi nɛ maa ba ngɛ wa se ɔ, kaa anɔkuale mi ɔ, wa jaa Yawɛ ngɛ bo tsu klɔuklɔu ɔ hɛ mi, nɛ wa sãã sami bɔhi, tue mi jɔmi bɔhi, kɛ bɔ kpahi. Wa pee enɛ ɔ, konɛ hwɔɔ se ko ɔ, nyɛ nina kó ba de wa nina ke a be blɔ fa mi nɔ́ ko ngɛ Yawɛ ngɔ.

Mose V, 11:19

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Yesaya 38:19

Nihi nɛ ngɛ hɛ ngmengmle! Ee, hɛ ngmengmletsɛmɛ nɛ a jeɔ o yi kaa bɔ nɛ i ngɛ o yi jee mwɔnɛ nɛ ɔ. Tsɛmɛ tsɔɔ a bimɛ ɔmɛ ke o yeɔ anɔkuale be tsuaa be.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Ezekiel 20:20

Nyɛɛ pee ye Hejɔɔmi ligbi ɔmɛ klɔuklɔu, nɛ a ba pee okadi nɛ ngɛ i kɛ nyɛ wa kpɛti, konɛ nyɛɛ le kaa imi ji nyɛ Mawu ɔ nɛ.

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Mose IV, 16:38

Benɛ a ngɔ ngɛyu ɔmɛ kɛ ya Yawɛ bɔ sami la tɛ ɔ he pɛ kɛkɛ nɛ a pee ní klɔuklɔuhi. Lɔ ɔ he ɔ, nimli nɛ ɔmɛ nɛ a gbe mɛ ngɛ a he yayami he ɔ, mo de Eleazar nɛ e ya je a ngɛyu ɔmɛ nɛ a fiaa nɔ tɛtlɛɛ, nɛ a kɛ ha bɔ sami la tɛ ɔ he. Nɔ́ nɛ ɔ maa pee kɔkɔ bɔmi nɔ́ kɛ ha Israel ma a.”

Mose II, 31:13

nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Yoshua 4:5

nɛ e de mɛ ke, “Nyɛɛ be kɛ ya je Yawɛ, nyɛ Mawu ɔ somi daka a hɛ mi ngɛ Yordan ɔ kpɛti. Nyɛɛ da Israel wɛtso ɔmɛ a nya kakaaka, nɛ nyɛ wo tɛ kakaaka ngɔ fɔ nyɛ konɔ.