Yoshua 4:19 - BAIBLO ALOO NGMAMI KLƆUKLƆU Ɔ

¹⁹ Kekleekle nyɔhiɔ ɔ we ligbi nɛ ji nyɔngma a nɔ ɔ, ma a po Yordan pa a, nɛ a ya to si ngɛ Gilgal, ngɛ Yeriko ma a beleku je.

Yoshua 4:19 ပူးပေါင်းရင်းမြစ်များ

Matsɛmɛ II, 2:1

Benɛ e piɛ bɔɔ nɛ Yawɛ maa ngɔ Eliya kɛ ho hiɔwe ya ngɛ lasiogblee mi ɔ, jamɛ a be ɔ, Eliya kɛ Elisha ngɛ nyɛɛe kɛ je Gilgal.

Amos 4:4

Yawɛ Tabohiatsɛ ɔ ke, “Nyɛ Israel ma, nyɛ suɔ kaa nyɛ ba ja Mawu ngɛ Betel, nɛ ke nyɛ ba a, nyɛ ba peeɔ yayami! Nyɛ suɔ kaa nyɛ ya ja Mawu ngɛ Gilgal, nɛ ke nyɛ ya lejɛ ɔ, nyɛ ya peeɔ yayamihi babauu kɛ piɛɔ he! Ke nyɛ ngɔ lohwehi kɛ ma bɔ sami daa mɔtu ɔ, nyɛ peeɔ yayami! Daa ligbi etɛ, ke nyɛ ngɔ nyɛ níhi a mi dlami nyɔngmanyɔngma mi kakaaka kɛ ma a, nyɛ peeɔ yayami!

Amos 5:5

Nyɛ ko ya ja mi ngɛ Beersheba hu. Nyɛ ko ya hla mi ngɛ Betel hu, ejakaa Betel maa pee ma doku, kɛ mumi yayamihi a hi he. Nyɛ ko ya Gilgal, ejakaa a maa nuu Gilgal ma mi bi ɔmɛ nyɔguɛ kɛ je.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Mose V, 1:3

Se jeha nyingmi eywiɛne ɔ, nyɔhiɔ nɛ ji nyɔngma kɛ kake ɔ we kekleekle ligbi ɔ loko Mose tu munyuhi tsuo nɛ Yawɛ fa lɛ ke e de Israel ma a kɛ tsɔɔ mɛ.

Mose V, 11:30

(Yo enyɔ nɛ ɔmɛ ngɛ Yordan pa a bonyoku je ngɛ Kanaan bi ɔmɛ a zugba a nɔ, ngɛ Yordan kɔ̃ ɔ mi. A ngɛ bonyoku je, nɛ a kɛ tso ngua amɛ nɛ ngɛ More kɛ Gilgal ɔ a he kɛ we kulaa.)

Yoshua 10:43

Enɛ ɔ se ɔ, Yoshua kɛ Israel tabo ɔ tsuo kpale a se kɛ ba ma sito he ɔ ngɛ Gilgal.

Yoshua 10:6

Gibeon bi ɔmɛ tsɔ kɛ ba Yoshua ngɔ ngɛ ma sito he ɔ ngɛ Gilgal, ba de lɛ ke, “Wa kpa mo pɛɛ, koo ngmɛɛ wa he; ba esɔesɔ nɛ o ba piɛ wa he. Ba kpɔ wɔ! Amor bi ɔmɛ a matsɛmɛ ɔmɛ bua a ta amɛ a nya kɛ je yo ɔmɛ a nɔ ba tua wɔ!”

Yoshua 15:7

Kɛ je lejɛ ɔ, huzu ɔ ya gu Haomi kɔ̃ ɔ mi kɛ ya su Debir, nɛ e lɔgɔ kɛ gu Gilgal ngɛ Adumim yo kpɛ blɔ ɔ nɔ ngɛ kɔ̃ ɔ leneyi je. Huzu ɔ tsa nɔ kɛ ya gu Enshemesh pa a nya kɛ ya su Enrogel.

Yoshua 24:11

Nyɛ po Yordan pa a, nɛ nyɛ ba Yeriko. Yeriko bi ɔmɛ kɛ nyɛ hwu ta kaa bɔ nɛ Amor, Periz, Kanaan, Hit, Girgash, Hiv, kɛ Yebus bi ɔmɛ tsuo hu kɛ nyɛ hwu ta a. Se i ha nyɛ ye mɛ tsuo a nɔ.

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.

Yoshua 5:10

Benɛ Israel ma a pueɔ si ngɛ Gilgal ngɛ Yeriko nga a nɔ ɔ, a ye Hetsɔmi ɔ ngɛ nyɔhiɔ ɔ ligbi nɛ ji nyɔngma kɛ eywiɛ ɔ nɔ.

Yoshua 5:9

Lɔ ɔ se ɔ, Yawɛ de Yoshua ke, “Mwɔnɛ ɔ, i jé Egipt nyɔguɛ peemi zo ɔ kɛ je nyɛ nɔ.” Lɔ ɔ he ɔ, a wo lejɛ ɔ biɛ ke Gilgal, nɛ jã nɛ a tsɛɛ lejɛ ɔ kɛ ba si mwɔnɛ ɔ.

Yoshua 9:6

A ba na Yoshua kɛ Israel bi ɔmɛ ngɛ ma sito he ɔ ngɛ Gilgal, nɛ a de mɛ ke, “Wa je he kɛ. Wa suɔ nɛ waa kɛ nyɛ nɛ so.”

Samuel I, 10:8

O maa sɛ ye hlami kɛ ho Gilgal ya. Ma ba na mo ngɛ lejɛ ɔ, nɛ ma sã sami bɔ, kɛ tue mi jɔmi bɔ. O maa mlɛ mi ngɛ lejɛ ɔ ligbi kpaago kɛ yaa si ma ba nɛ ma ba tsɔɔ mo nɔ́ nɛ o pee.”

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.