Yoshua 4:14 - BAIBLO ALOO NGMAMI KLƆUKLƆU Ɔ

¹⁴ Jamɛ a ligbi ɔ, Yawɛ wo Yoshua hɛ mi nyami ngɛ Israel bi ɔmɛ tsuo kulaa a hɛ mi; nɛ a ye lɛ gbeye e wami ligbi ɔmɛ tsuo, kaa bɔ nɛ a ye Mose gbeye ɔ.

Yoshua 4:14 ပူးပေါင်းရင်းမြစ်များ

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ II, 2:15

Benɛ gbali a kuu ɔ nɛ ngɛ Yeriko ɔ na lɛ ɔ, a de ke, “Eliya mumi ɔ ba Elisha nɔ.” A ya nɛ a ya kpee lɛ, nɛ a kpla si ngɛ e hɛ mi;

Kronika I, 29:25

Yawɛ wo Salomo nɔ gojoo; e ha nɛ e na biɛ ngɛ Israel tsuo, nɛ e hɛ mi ba nyami pe Israel matsɛmɛ ɔmɛ tsuo nɛ sɛ e hlami ɔ.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Mose II, 11:3

Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

Mose II, 14:31

Benɛ Israel bi ɔmɛ na he wami nguaa nɛ Yawɛ kɛ ye Egipt bi ɔmɛ a nɔ ɔ, a ye lɛ gbeye, nɛ a he lɛ, kɛ e tsɔlɔ Mose ɔ ye.

Abɛ Womi 24:21

Ye bi, ye Yawɛ gbeye, nɛ o bu matsɛ. Nihi nɛ teɔ si kɛ woɔ mɛ ɔ, o kɛ jamɛatsɛmɛ ɔmɛ ko bɔ.

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

1 Korintobi 10:2

Benɛ a ngɛ bɔku ɔ sisi, kɛ wo ɔ mi ɔ, a sɔle mɛ kaa Mose se nyɛɛli.

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Yoshua 4:13

Nihi maa pee akpe nyingmi eywiɛ nɛ́ dla a he kɛ ha ta hwumi nyɛɛ Yawɛ hɛ mi kɛ ho Yeriko nga kplanaa a nɔ ya.

Yoshua 4:15

Pee se ɔ, Yawɛ de Yoshua ke,

Samuel I, 12:18

Kɛkɛ nɛ Samuel fa kue ha Yawɛ, nɛ Yawɛ ha hiɔwe si, nɛ hiɔmi nɛ jamɛ a ligbi ɔ. Nɛ ma a tsuo ye Yawɛ kɛ Samuel gbeye wawɛɛ nitsɛ;