Yoshua 4:11 - BAIBLO ALOO NGMAMI KLƆUKLƆU Ɔ

¹¹ Benɛ a po pa a ta a, osɔfo ɔmɛ nɛ tloo somi daka a hu po, nɛ osɔfo ɔmɛ ya je ma a hɛ mi.

Yoshua 4:11 ပူးပေါင်းရင်းမြစ်များ

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

Yoshua 24:11

Nyɛ po Yordan pa a, nɛ nyɛ ba Yeriko. Yeriko bi ɔmɛ kɛ nyɛ hwu ta kaa bɔ nɛ Amor, Periz, Kanaan, Hit, Girgash, Hiv, kɛ Yebus bi ɔmɛ tsuo hu kɛ nyɛ hwu ta a. Se i ha nyɛ ye mɛ tsuo a nɔ.

Yoshua 3:17

Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Yoshua 3:8

Mo fa osɔfo ɔmɛ nɛ tloo somi daka a ke, ke a su Yordan pa a nya a, a sɛ pa a mi nɛ a da si ngɛ lejɛ ɔ.”

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 4:12

Kaa bɔ nɛ Mose de mɛ momo ɔ, nyumuhi nɛ ngɛ Ruben, Gad, kɛ Manase wɛtso fa a a mi ɔ, mia kɛ nyɛɛ Israel bi ɔmɛ a hɛ mi kɛ po pa a.

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.