Yoshua 3:3 - BAIBLO ALOO NGMAMI KLƆUKLƆU Ɔ

³ nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

Yoshua 3:3 ပူးပေါင်းရင်းမြစ်များ

Samuel II, 6:13

Benɛ ni ɔmɛ nɛ hɛɛ Yawɛ daka a hia nane ekpa a, David ha nɛ a wa, nɛ e gbe na kɛ to nɛ wo zɔ nɛ e kɛ sã bɔ ha Yawɛ.

Samuel II, 6:3

A ya ngɔ somi daka a ngɛ Abinadab we ɔ mi ngɛ yoku ɔ nɔ, nɛ a kɛ ma tlɔɔke he mi. Abinadab binyumuhi Uza, kɛ Ahio ji ni nɛmɛ nɛ ngɛ tlɔɔke ɔ nɛ Mawu daka a ngɛ mi ɔ blɔ tsɔɔe;

Matsɛmɛ I, 8:3

Benɛ Israel ma nimeli ɔmɛ tsuo ba bua a he nya a, osɔfo ɔmɛ wo somi daka a nɔ,

Yeremia 33:18

Jehanɛ hu, a ma na osɔfohi kɛ maa je Levi wɛtso ɔ mi, nɛ osɔfo nɛ ɔmɛ maa sã sami bɔ, kɛ niye ní bɔ, kɛ bɔ kpahi ha mi daa be tsuaa be.”

Mose IV, 10:33

Kɛkɛ nɛ ma a hia kɛ je Yawɛ yo ɔ he, nɛ a nyɛɛ ligbi etɛ. Yawɛ somi daka a nyɛɛ a hɛ mi kɛ hla sito he ha mɛ.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 8:19

Kɛkɛ nɛ mlaa tsɔɔlɔ ko ba e ngɔ ba de lɛ ke, “Tsɔɔlɔ, he tsuaa he nɛ o yaa a, i kɛ mo maa ya.”

Mose V, 31:25

Benɛ e gbe nya a, e de Levi bi ɔmɛ nɛ ji osɔfo ɔmɛ nɛ hyɛɛ Yawɛ somi daka a nɔ ke,

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.

Yoshua 3:4

Se kɛ̃ ɔ, blɔ maa pee gugue lafa enuɔ loo nɔ nɛ hi nyɛɛ kɛ daka a nyɛ kpɛti, konɛ nyɛɛ na he nɛ nyɛ maa gu; ejakaa nyɛ gui hiɛmɛ nɛ ɔ hyɛ.”

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Yoshua 3:8

Mo fa osɔfo ɔmɛ nɛ tloo somi daka a ke, ke a su Yordan pa a nya a, a sɛ pa a mi nɛ a da si ngɛ lejɛ ɔ.”

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 6:6

Jehanɛ, Nun bi Yoshua tsɛ osɔfo ɔmɛ nɛ e de mɛ ke, “Nyɛ wo somi daka a, nɛ nyɛ ti nihi kpaago nɛ a hɛɛ titimati kɛ nyɛɛ daka a hɛ mi.”

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Samuel I, 6:15

Levi bi ɔmɛ je Yawɛ somi daka a, kɛ daka nɛ maa si ngɛ e kasa nya nɛ sika ní ɔmɛ ngɛ mi ɔ ngɔ ma tɛ sa agbo ɔ nɔ. Bet Shemesh bi ɔmɛ sã sami bɔhi, kɛ bɔ kpahi kɛ ha Yawɛ jamɛ a ligbi ɔ.