Yoshua 3:17 - BAIBLO ALOO NGMAMI KLƆUKLƆU Ɔ

¹⁷ Osɔfo ɔmɛ nɛ tloo Yawɛ somi daka a da si ngɛ Yordan ɔ kpɛti, ngɛ zugba gbigbli nɔ kɛ ya su be nɛ Israel ma a tsuo nyɛɛ zugba gbigbli nɔ kɛ po Yordan pa a ta.

Yoshua 3:17 ပူးပေါင်းရင်းမြစ်များ

Matsɛmɛ II, 2:8

Kɛkɛ nɛ Eliya je e tade ɔ, nɛ e koklo lɛ, nɛ e kɛ fia nyu ɔ mi. Nyu ɔ mi gba kɛ ya hiɛ kɛ hiɛ; nɛ mɛ ni enyɔ ɔmɛ tsuo a nyɛɛ zugba gbigbli nɔ kɛ be.

La 66:6

E ha wo ɔ plɛ pee zugba gbigbli; nɛ nimli adesahi kɛ a nane po wo ɔ. Wa nyá ngɛ lejɛ ɔ ngɛ nɔ́ nɛ o pee ha wɔ ɔ he.

Mose II, 14:21

Kɛkɛ nɛ Mose wo e nine nɔ ngɛ wo ɔ nɔ, nɛ Yawɛ ha kɔɔhiɔ nguaa ko fia kɛ je beleku jamɛ a nyɔ ɔ mi tsuo kɛ tsɛ̃ wo ɔ kɛ ya se. Nɛ wo ɔ mi gba enyɔ hiɛ kɛ hiɛ, nɛ e kpɛti ɔ plɛ pee zugba gbigbli.

Mose II, 14:22

Israel bi ɔmɛ nyɛɛ zugba gbigbli nɔ kɛ gu wo ɔ kpɛti, nɛ nyu ɔ pee kaa gbogbo ngɛ a hiɔ nɔ kɛ a muɔ nɔ.

Mose II, 14:29

Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ, nɛ nyu ɔ wlua kaa gbogbo ngɛ a hiɔ nɔ kɛ a muɔ nɔ.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Mose IV, 33:51

“De Israel bi ɔmɛ ke, ke nyɛ po Yordan pa a kɛ ho Kanaan zugba a nɔ ya a,

Hebribi 11:29

Hemi kɛ yemi lɛ ha Israel ma a po Wo Tsu ɔ kaa nɔ́ nɛ zugba gbigbli nɔ nɛ a ngɛ nyɛɛe. Se benɛ Egipt bi ɔmɛ ka kaa mɛ hu a maa pee ja a, a tlɔ wo ɔ mi, nɛ a gbo.

Yoshua 4:1

Benɛ ma a tsuo po Yordan pa a ta a, Yawɛ de Yoshua ke,

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Yoshua 4:11

Benɛ a po pa a ta a, osɔfo ɔmɛ nɛ tloo somi daka a hu po, nɛ osɔfo ɔmɛ ya je ma a hɛ mi.

Yoshua 4:22

nyɛ de mɛ ke zugba gbigbli nɔ Israel nyɛɛ kɛ po Yordan pa a nɛ,

Yoshua 4:3

nɛ o ha nɛ a ya wo tɛ nyɔngma kɛ enyɔ kɛ je Yordan pa a mi, he nɛ osɔfo ɔmɛ da si ngɛ ɔ. Ha nɛ a tloo tɛ nɛ ɔmɛ kɛ ya ma si ngɛ he nɛ nyɛ maa to si ngɛ nyɔ nɛ ɔ mi.”

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.