Yoshua 3:16 - BAIBLO ALOO NGMAMI KLƆUKLƆU Ɔ

¹⁶ nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Yoshua 3:16 ပူးပေါင်းရင်းမြစ်များ

Mose I, 14:3

Matsɛmɛ enuɔ nɛ ɔmɛ pee kake, nɛ a ya bua a he nya ngɛ Sidim Kɔ̃ ɔ mi, he nɛ a tsɛɛ ke Ngo Wo amlɔ nɛ ɔ.

Matsɛmɛ I, 4:12

Ahilud binyumu Baana nɔ́ mi ji Taanak, Megido, kɛ Bet Shan tsuo, ngɛ Zaretan kasa nya, ngɛ Yezreel leneyi je, kɛ ya pue Abel Mehola, kɛ Yokmeam.

Matsɛmɛ I, 7:46

Matsɛ ɔ ha nɛ a sɔ̃ ní ɔmɛ ngɛ akɔblee galɔ ní tsumi he nɛ ngɛ Sukot kɛ Zaretan a kpɛti, ngɛ Yordan kɔ̃ ɔ mi ɔ.

La 114:3

Wo Tsu ɔ na mɛ, nɛ e tu fo; Yordan pa a hu se po.

La 114:5

Mo wo, mɛni ba nɛ o tu fo ɔ? Yordan, mɛni ha o se po ɔ?

La 29:10

Yawɛ ngɛ matsɛ yee ngɛ nyu babauu ɔ nɔ kɛ yaa neneene.

La 33:7

E bua wo nyu ɔ nya glekugleku; nɛ e ngɔ nyu babauu ɔ kɛ to ngɛ nito hehi.

La 66:6

E ha wo ɔ plɛ pee zugba gbigbli; nɛ nimli adesahi kɛ a nane po wo ɔ. Wa nyá ngɛ lejɛ ɔ ngɛ nɔ́ nɛ o pee ha wɔ ɔ he.

La 74:15

O ha nɛ pa tsɔwitsɔwihi hia kɛ be, nɛ pa nguahi lɛɛ a mi nyu mii ta.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

La 78:13

E gba wo ɔ mi, nɛ nyu ɔ da si glekugleku ngɛ hiɔ nɔ kɛ muɔ nɔ; nɛ e ha nɛ e ma a gu mi kɛ be.

Mose II, 14:21

Kɛkɛ nɛ Mose wo e nine nɔ ngɛ wo ɔ nɔ, nɛ Yawɛ ha kɔɔhiɔ nguaa ko fia kɛ je beleku jamɛ a nyɔ ɔ mi tsuo kɛ tsɛ̃ wo ɔ kɛ ya se. Nɛ wo ɔ mi gba enyɔ hiɛ kɛ hiɛ, nɛ e kpɛti ɔ plɛ pee zugba gbigbli.

Mose II, 14:22

Israel bi ɔmɛ nyɛɛ zugba gbigbli nɔ kɛ gu wo ɔ kpɛti, nɛ nyu ɔ pee kaa gbogbo ngɛ a hiɔ nɔ kɛ a muɔ nɔ.

Mose II, 14:29

Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ, nɛ nyu ɔ wlua kaa gbogbo ngɛ a hiɔ nɔ kɛ a muɔ nɔ.

Mose II, 15:8

O fli o gugwɔ mi ngɛ wo ɔ nɔ, nɛ nyu ɔ bua e he nya da si kaa gbogbo; ohue mi nyu ɔ fi, nɛ e wlua gɛgɛnii.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Ezekiel 47:8

E de mi ke, “Nyu nɛ ɔ bee ngɛ zugba a mi kɛ yaa beleku je, kɛ yaa Yordan kɔ̃ ɔ mi, nɛ e ya sɛɛ Ngo wo ɔ mi. Nyu nɛ ɔ tsakeɔ wo nyu ɔ kɛ peeɔ nyu mua.

Nahum 1:4

Ke Yawɛ wo gbi ɔ, wo miiɔ nɛ e peeɔ zugba gbigbli, nɛ pahi gbliɔ. Lohwehi a ní yemi he kpakpahi nɛ ngɛ Bashan kɛ Karmel yo ɔmɛ a nɔ ɔ nglaa; nɛ Lebanon mɔmɔ ɔmɛ taa.

Habakuk 3:8

Yawɛ, anɛ pa amɛ lɛ a wo o mi mi la a lo? Aloo wo ɔ lɛ ha o hɛ dɔ, benɛ o hi bɔku ɔmɛ a nɔ kɛ nyɛɛ kaa ta zugba lɛ kɛ ya ye kunimi ɔ?

Mose IV, 34:3

Leneyi je zugba a maa je Zin nga a nɔ, kɛ nyɛɛ Edom huzu ɔ nya; nɛ nyɛ huzu ɔ ngɛ leneyi je ɔ maa je Ngo wo ɔ nya, ngɛ beleku je.

Mose V, 1:1

Munyuhi nɛ Mose tu kɛ tsɔɔ Israel ma a ngɛ nga kplanaa a nɔ ngɛ Yordan pa a beleku je ji nɛ ɔmɛ nɛ. Jamɛ a be ɔ mi ɔ, Israel ma a ngɛ Yordan kɔ̃ ɔ mi, ngɛ Suf hanɔ ngɛ Paran, kɛ ma nɛ ɔmɛ, Tafel, Laban, Hazerat, kɛ Dizahab a kpɛti.

Mose V, 3:17

Jehanɛ, ngɛ beleku je ɔ, a zugba a huzu ya su Yordan pa a nya. E je Galilea wo ɔ nya ngɛ omleyi je kɛ ya na Ngo wo ɔ ngɛ leneyi je, ngɛ Pisga yo ɔ he ngɛ beleku je.

Yoshua 12:3

E nɔ yemi he ɔmɛ ekomɛ hu ji nɛ ɔmɛ nɛ: Yordan kɔ̃ ɔ, kɛ je Galilea wo ɔ nya ngɛ omleyi je kɛ ya su Bet Yeshimot ngɛ Ngo wo ɔ beleku je hluu kɛ ya su Pisga yo ɔ sisi.

Yoshua 15:2

Huzu ɔ nɛ ngɛ leneyi je nɛ ɔ je Ngo wo ɔ leneyi je,

Yoshua 16:7

Kɛ je Yanoa a, huzu ɔ ya gu Atarot, Naara, kɛ Yeriko, nɛ e kɛ e nya ya pi Yordan pa a.

Yoshua 3:13

Ke osɔfo ɔmɛ nɛ tloo Yawɛ, nɛ ji je ɔ tsuo Nyɔmtsɛ ɔ daka a sɛ Yordan pa a mi pɛ pa a ma kpa bemi, nɛ nyu nɛ je yiti je ɔ ma ti kɛ da si ngɛ he kake.”

Yoshua 4:22

nyɛ de mɛ ke zugba gbigbli nɔ Israel nyɛɛ kɛ po Yordan pa a nɛ,

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

Manyadali 7:22

Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.