Yoshua 3:11 - BAIBLO ALOO NGMAMI KLƆUKLƆU Ɔ

¹¹ Je ɔ tsuo pɛpɛɛpɛ Nyɔmtsɛ ɔ somi daka a maa sɛ nyɛ hɛ mi kɛ ya po Yordan pa a.

Yoshua 3:11 ပူးပေါင်းရင်းမြစ်များ

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

La 97:5

Yohi sileɔ kaa wo gbaku ngɛ Yawɛ, je ɔ tsuo Nyɔmtsɛ ɔ hɛ mi.

Yesaya 3:12

Jokuɛwi lɛ ngɛ ye ma a haoe, nɛ yihi lɛ ngɛ a nɔ yee. Ye ma, o nɔ hyɛli ɔmɛ haa o tlaa blɔ, nɛ a tɔ̃tɔ̃ɔ̃ o nane.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Yoshua 3:13

Ke osɔfo ɔmɛ nɛ tloo Yawɛ, nɛ ji je ɔ tsuo Nyɔmtsɛ ɔ daka a sɛ Yordan pa a mi pɛ pa a ma kpa bemi, nɛ nyu nɛ je yiti je ɔ ma ti kɛ da si ngɛ he kake.”