Yoshua 24:8 - BAIBLO ALOO NGMAMI KLƆUKLƆU Ɔ

⁸ Pee se ɔ, i ngɔ nyɛ kɛ ba Amor bi ɔmɛ a zugba a nɔ, ngɛ Yordan pa a beleku je. A kɛ nyɛ hwu ta; se i ha nyɛ ye a nɔ, nɛ nyɛ ngɔ a zugba a. I kpata a hɛ mi, nɛ i ha nyɛ blɔ mi tɛ̃ ha nyɛ.

Yoshua 24:8 ပူးပေါင်းရင်းမြစ်များ

Nehemia 9:22

“O ha a ye je mahi, matsɛ yemihi, kɛ zugbahi nɛ bɔle mɛ ɔ a nɔ. A ye Heshbon zugba a, kɛ Bashan zugba a tsuo nɔ. Heshbon ji he nɛ Sihon ye matsɛ ngɛ, nɛ Bashan ji he nɛ Og ye matsɛ ngɛ.

Yoshua 13:10

A kɛ Amon bi ɔmɛ wo huzu. Amor bi a matsɛ, Sihon nɛ ye tsɛ ngɛ Heshbon ɔ, e ma amɛ tsuo ngɛ zugba nɛ ɔ mi.

Mose V, 2:32

Kɛkɛ nɛ Matsɛ Sihon kɛ e ma a tsuo je kpo nɛ a kɛ wɔ ba hwu ta ngɛ Yahaz.

Mose II, 23:23

Ye bɔfo ɔ maa nyɛɛ o hɛ mi kɛ yaa su Amor bi, Hit bi, Periz bi, Kanaan bi, Hiv bi, kɛ Yebus bi ɔmɛ tsuo a zugba a nɔ; nɛ ma kpata a hɛ mi.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.